88

libertatis insidiatorem. Post cuius mortem patria pulsus, tandem revocatus est. Sed iam mortuo Alexandro et Antipatro rebus Graecis praeposito, cum manifestam sibi necem imminentem videret, relictis Athenis in Calauriam Insulam, ubi asylum erat Neptuno sacrum, concessit; Quo cum venisset Archias, actor tragoediarum, qui ab Antipatro missus erat, ut Demosthenem comprehenderet, primum ei persuadere conatus est, ut una secum ad Antipatrum se conferret, nihil molestiae ab eo perpessurus. Demosthenes intellecta fraude, renuit: quum autem Archias se per vim detracturum minaretur; age, inquit, parumper expecta, dum pauca domesticis scribo. Haec locutus, tanquam scribere vellet, calamum, in quo venenum occultaverat, ori admovit: deinde, absorpto veneno, caput veste tegens, se inclinavit: cumque ab ara retraheretur, cecidit, suspiransque animam emisit. Hic eloquentiae studio flagrans iugiter lucubrabat, adeo ut duos vel tres menses continuos domi inclusus, sine intermissione studeret, abrasa parte capitis, ut exeundi facultatem sibi praeriperet. Unde de eo Hieronymus: Eum plus olei, quam vini expendisse, et omnes opifices nocturnis vigiliis praevenisse. In tabula autem nostra I. porro in effigie a nobis exhibetur.

VII. PLATO

VII. PLATO.PHilosophus, ab humerorum latitudine ita cognominatus, cum antea Aristocles ex avi paterni nomine vocaretur. Fuit egregio corporis habitu, et in palaestra se exercuit apud Aristonem palaestritam. Studuit picturae, et tragoedias poemataque edidit. Adeo autem in omni disciplinarum genere, et praesertim in Philosophia, excelluit, ut divinus et Philosophorum Homerus vocaretur: et defuncto Magi, ut Deo, immolaverint. Tantae autem fuit eloquentiae, ut Jovem, si Graece loqui voluisset, Platonice locuturum Philosophi dicerent. Athenis primum Socrati dedit operam. Deinde, dum licuit per aetatem, in Italiam profectus est, ut Pythagoreos audiret, ubi Philolai Crotoniatae libros de secta Pythagoraea centum minis etiam in difficultate rei familiaris mercatus est, ex quibus multa in suum Timaeum transtulit. In Aegyptum deinde properans, ut audiret Gymnosophistas, oleum secum mercaturae gratia vexit, ut viaticum sibi inde suppeditaret, ubi et libros Moseos legisse creditur. Dialogum primus illustravit, licet a Zenone, vel Alexamene prius inventum. Decessit annos natus LXXXI. morbo, ut fertur, pediculari. Vita fuit caelebs, ac castus, ut scribit Augustinus. Plura de eo videantur apud Plutarchum.

VIII. ARISTOTE-
LES

VIII. ARISTOTELES. PHilosophus Stagirita, Peripateticorum princeps. Patrem habuit Nicomachum medicum, matrem vero Phaesiadem. Fuit parvus, gibbosus, et deformis, balbutiens, sed dives, ut qui socius, et praeceptor, et secretarius Alexandri esset. Septendecim annos natus Athenas profectus est, ubi viginti annis Platonis se auditorem praebuit. Deinde a Philippo in Macedoniam evocatus, decem annis Alexandrum instituit: cui quam fuerit carus, vel illud unum abunde magno est argumento, quod Stagiram patriam eius, quam diruerat, in gratiam eius restauraret. Deinde in Asiam profectus, Athenas rediit, et in Lyceo tredecim annis Philosophiam professus est. Postea accusatus, quod de Diis non recte sentiret, cedens invidiae, abiit in Chalcidem, ibique reliquum vitae transegit. Decessit aetatis anno 63. sub idem fere tempus, quo Demosthenes.

IX. THEOPHRAS-
TUS

IX. THEOPHRASTUS.PHilosophus fuit ex Eresso Lesbi oppido, prius Tyrtamus, deinde Euphrastus, postremo Theophrastus ob oris et eloquentiae suavitatem quasi divinam appellatus. Peripateticorum eloquentissimus doctissimusque fuit. Aristotelis nempe discipulus et in schola successor. Dicere solebat, doctum hominem ex hominibus solum neque alienis locis peregrinum esse, neque inopem amicorum. Habuit discipulos ad duo millia. Excessit admodum senex.

X. SENECA.

X. SENECA.NAtione Hispanus fuit, patria Cordubensis, Academicus, et Philosophus, et Neronis praeceptor: a quo divitiis ingentibus auctus, cum in Pisonianae coniurationis suspicionem venisset, eius dem iussu incisis venis mortem obiit. Eloquentia inter Latinos morumque studiis longe celeberrimus.

XI. DEMOCRITUS.

XI. DEMOCRITUS.ABderita Philosophus, qui accepta a fratribus natu maioribus paternae haereditatis portione, cognoscendarum rerum cupiditate accensus, bonam orbis partem peragravit. Postea in patriam reversus cum summa inopia in hortulo iuxta urbis suae muros se ad solas rerum naturas contemplandas contulit. De hoc memoriae proditum est, quod quocunque fortunae casu et mutabilium rerum fato audito in risum solutus fuerit, sicut Heraclitus in fletum; unde Gelasinus nominatus est. Tandem se