101
XI. SIMON Se-
nensis.
DIagraphices probe gnarus, et inventionibus dives, viva exemplaria dexterrime XI. SIMON DE SIENA exprimebat: cumque Petrarchae amicus esset, amicam huius Lauram iconice pinxit; cuius ut et Petrarchae veras effigies tabula L. et pictoris nostri tabula K. Lauram pingit. exprimit. Mortuus est sexagenarius anno Christi 1345. hoc Epitaphio honoratus:
SIMONI. MEMMIO. PICTO-
RUM. OMNIUM. OMNIS.
Epitaphium eius. AETATIS.
CELEBERRIMO. VIXIT. ANN.
LX. MENS. II. DIES. III.
XII. ANGELUS GADDI
Pictor Florentinus.
XII. ANGELO GADDIGAddonis Gaddi filius, cuius iconem habes tabula K. Patris primum, deinde Gotti per annos 24. Discipulus: perturbationum animi praecipue studiosus. Inter Opera eius. opera eius celebratur naufragio periclitatus D. Nicolaus. Item in curia quadam veritas nuda, mendacio, atro habitu vestito, linguam eruens, spectantibus sex senatoribus. Porro in muri cuiusdam albario septem artes liberales, inter quas Grammatica puerum informans, Donato pedibus eius assidente. Item septem virtutes, quattuor nimirum cardinales, et tres Theologicae. Prae ceteris autem crucifixio Domini, Aretii facta, cum latronibus, et ministris variis, inprimis vero militibus sorte vestem Domini divisuris, quorum gestus mimici satis laudari nequeunt. Quo in opere socium habuit sub finem Simonem Architectus est. Memmium condiscipulum olim. Idem Architectus erat insignis, turrisque ad S. Mariam floridam (al S. Maria del Fiore) structor, quod est opus variis Sculpturis insigne. Quin et pontis Florentiae supra Arnum, in quo 44. tabernae mercatorum, unde octingentis annuatim coronatis augetur aerarium, ipse est autor: quod opus admodum durabile est, cum alius eiusdem pons inundatione anni 1557. die 13. Septembr. iam sit dirutus. Mortuus est
anno Christi 1350. aetatis 50 Febri acuta; ipsiusque hoc est Epitaphium:
Epitaphium. Hoc uno poterat dici Florentia felix
Vigente: at certa est non potuisse
mori.
XIII. ANDREAS ORGA-
GNA Florentinus, Pictor, Scul-
ptor, Architectus et Poe-
ta:
XIII. ANDREAS ORGAGNA.IN iuvenili aetate Sculpturam didicit, a qua ad diagraphicen remittebatur, unde cum inventionibus sese dederet, et Poesin Delicias mundi pingit. excolebat, et Architecturam. Pisis pictura quadam omnes mundi delicias exhibiturus, varias pingebat diversarum dignitatum, et quasdam ad vivum, personas inter florum arborumque odores, supra circumvolitantibus amoribus coram choreas ducentibus pulcherrimis, ad viva plerumque exemplaria depictis virginibus; pone adstantibus musicis; haud procul instructis ciborumque vinique varietate mensis, ut cuivis sensui ne sua deforet voluptas. Ex altero autem latere in rupe quadam asperrima non nisi tales repraesentabat, qui, relicto mundo, rigidiore vita DEO servirent, ut anachoretas, alium legentem; orantem alium; cum pauperibus quibusdam durissimo labore vitam etsustentantibus; inter quos prae ceteris unus capram mulgens. miseriam vitae humanae.Infra autem S. Macarius tribus una cum coniugibus, equis splendide vectis Regibus miseriam vitae humanae commonstrat, aperto trium putrescentium iam Regum sepulchro, quorum foetorem viventium unus manu a naribus arcet. In media autem pictura atra veste obvolitat mors, falce occisos a se ostendens plurimos, tam divites quam pauperes, tam sanos, quam aegros, tam iuvenes quam senes. Tales inventiones cum inscriptionibus pinxit plures; et inter alia extremum iudicium, in quo pulcherrime expressi sunt cruciatus damnatorum; et hic quidem inter istos locavit inimicos suos, iconice repraesentatos, quorum unus Notarius erat; et magus alter, quem caecum Asculitanum dicebant: Amicos autem et fautores ad vivum etiam inter electos reposuerat. Mortuus est anno aetatis 60. Christi. 1389.