311

erat anno 1609. ubi etiam praeceptoribus usus erat pluribus. Studia autem illius potissima naturam pro obiecto habebant simplicissimam, in qua sola excellere intendebat: unde in hoc quoque genere ita profecit, ut variis Amstelodami, Harlemi et Ludguni Batavorum celebretur operibus.

CXCVIII. LEONHARDUS BRAE-
MERUS

CXCVIII. LEONHARD BRAEMERCIvis cuiusdam Delphensis filius natus anno 1596. ingenii erat acutissimi, picturisque minutis potissimum et variis argutiis historicis et similibus inclaruit; cumque et Italiae exemplis magno cum fructu usus esset, plurima ibidem reliquit artis manusque suae specimina. Quin et postquam in patriam reversus esset, illius opuscula avidissime collegerunt graphicophili, tam diurna, quam nocturna, et pinacothecas suas eleganter iisdem exornarunt.

CXCIX. JOHANNES CASSIE-
RIUS

CXCIX. JOHANN CASSIER.SUo quoque tempore celebris admodum erat in Urbe patria Antverpia ob figuras imaginesque humanas.

CC. DAVID BALLI

CC. DAVID BALLI.LUgduni Batavorum in lucem editus picturis iconicis, effigiebusque viventium similitudine sive penicillo sive calamo exprimendis laudem assequebatur maximam.

CCI. HERMANNUS SACHT-
LIEVEN

CCI. HERMANNUS SACHTLIEVENROterodami natus anno 1609. in pingendis subdialibus variis, nec non rebus ruralibus et oeconomicis similibus exprimendis excellebat; tam ob curam quam ob argutiam.

CCII. DANIEL de HEEL.

CCII. DANIEL de HEEL.BRuxellensis, tractuum similiter campestrium, item nocturnorum ignium, et similium aliorum picturis famam sibi acquisiverat.

CCIII. JACOBUS ARTESIUS,

CCIII. JACOB de ARTOIS.BRuxellensis et ipse picturis minutioribus, rerum subdialium nobilis erat, sed tabulis similibus maioribus melior.

CCIV. PETRUS de LINT,

CCIV. PETRUS de LINT.ANtverpiensis, imagines maiores plurimas, ut et icones Romae pingebat, deinde et Regi Daniae operam suam locabat, ut et nationalibus tandem suis.

CCV. DAVID RICHARDUS

CCV. DAVID RICHARD.IMaginibus minutis delectabatur, nec minus historiarum, animalium, equorum in stabulis locatorum, et similibus pictruis naturam ipsam referentibus.

CCVI. HERMANNUS SCHWA-
NENFELD

CCVI. HERMANN SCHWANENFELD de Wurde.COmmuniter Eremita cognominatus, quod subdialibus et ruinis pingendis, praecelleret, et propterea semper in ruinis veteribus, eremis, locisque desertis circa Romam, Tibur, Tusculumque degeret; quo in genere magnum quoque assecutus est gradum, cum laude promotis studiis hisce singularibus. Quamvis iuxta illa minime sperneret Academias, sed in illis tam sedulo iuxta viva exemplaria delineationes institueret, ac si imaginibus pingendis operam daturus fuisset: unde subdialia quoque sua variis imaginibus iudiciosissime Quanti aestimanda sit imaginum pictura. exornare poterat. Quin imo imaginem nudam emendate pictam pluris aestimabat, quam scientias omnes, quod suo quidem arbitratu, in homine pingendo tota rei pictoriae contineatur substantia, imo in unica solius manus pictura plus sit laboris, quam in subdialibus omnibus. In quo sane neutiquam erravit. Quemadmodum enim Deus hominem post conditas creaturas omnes creavit ultimum, et quidem secundum imaginem suam: sic in eodem summam quoque omnium recondidit perfectionem, ut pictor ille, qui figuram hominis perfecte et accurate exprimere valet, cetera omnia exiguo repraesentaturus sit conatu: cum e contrario, qui imaginum humanarum caret peritia, in ceteris omnibus debilis quoque sit et imperfectus.

CCVII. GELDORPIUS Londi-
nensis,

CCVII. GELDORP. Londinensis.PIctor erat iconicus Londini celebratissimus, ubi effigies viventium magnitudine plurimas, facietenus, iconesque alias pinxit simillimas. Ex adverso autem in diagraphicis tam leviter imbutus erat, ut impossibile ipsi esset, faciem quandam manu propria in tela sive in charta proicere. Cui malo ut mederetur, sex vel octo facies venustissimas ab artifice quodam alio in charta depictas acu traiecerat: ex quibus illam, quae obiecto proposito potissimum conveniret, assumtam rasura cretacea telae suae applicabat, effigiem suam dehinc iuxta eandem efformando. Quo medio, utut delineando tam infelix esset, iconibus tamen satis erat felix, vitamque sic sustentabat prosperrime.

CCVIII. OLIVIERIUS, membranarum
pictor Londinensis,

CCVIII. OLIVIER. Londinensis.PIcturae hoc genus pulcherrimum et curiosissimum, quod colore aquario in membranis exercetur, excoluit. Hic enim pingendi modus inter primos referendus est, prout e Vitis primorum artificum satis apparet, ubi varia talium pictorum tam Graecorum et Romanorum, quam Italorum et Germanorum recensuimus exempla.