[BIBLIA SACRA TESTAMENT]

FIDES

HONI · SOIT ·  QUI · MAL · Y · PENSE ·

[CON[…]OIA.]

LAudatur exquisitissimis verbis statuarum honor, tanquam peculiare quoddam Maiestatis publicae redhostimentum: Fortibus ac prudentibus Viris hoc decus tributum. Inter eos facile primas obtinuerunt Horatius Cocles, cui statua in comitio posita, quod solus a ponte sublicio hostes arcuisset: Junius Brutus, cui in Capitolio, medios inter Reges, quod fortissime regno pepulisset Tarquinios: Cato Maior, cui in aede Salutis, quod Romanorum remp. inclinatam in integrum restituisset: Augustus Caesar, cui in ponte Tiberis et Arimini, quod Flaminiam viam, qua ducturus erat exercitum, statim instaurasset Quot, quaeso, statuas tum Equestres tum Curules Palatina regio Servatori Liberatorique suo debebit; quam, instar columnae, violenti Martis furor deiecit, afflixit, ac deturbavit? Maiores certe experiundi erunt et subeundi labores, quam quos Sixtus V. in tribus obeliscis, qui Romae iacebant, erigendis susceperat. Hoc breve dicam: Rhenus ipse sibi statua est! Caeterum orbis Christianus mirifice