102
THOMAS GIOTTINUS, LIPPVS,
et adhuc quinque alii pictores et artifices.
XIV. THOMAS GIOTTINUS, pictor Florentinus. Opera eius. Christus mortuus, cum eleganti affectuum expressione. Methodus eius pingendi peculiaris. XV. LIPPUS, Pictor Florentinus. Rixosus est. Dellus pingendorum musculorum inventor. XVI. MASACCIUS, pictor. Quanto artificio pinxerit: Opera et Epitaphium eius XVII. LEO BAPTISTA ALBERTI, Florentinus, pictor et Architectus: multos edit libros. XVIII. PETRUS FRANCISCAE e CATSROCASTRO S. SEPULCHRI, proelium pinxit. XIX JOHANNES FIESULANUS pictor et monachus ordinis praedicatorum. Pietas eius et humilitas. Opera eius miniata; maiora; D. Virgo. Alia. Discipuli eius et Epitaphium. XX. PHILIPPUS LIPPUS Florentinus, Pictor et monachus ordinis Carmelitarum: deserto coenobio, arte sua pictoria e Servitute sese liberat. Opera eius. Affectus congrue exprimit. Lascivus est. Monialem seducit; et veneno necatur. Epitaphium eius.
XIV. THOMAS GIOT-
TINUS, Florentinus,
Pictor;
XIV. THOMA GIOTTINO.FLorentiae natus Anno 1324. Patre Stephano, de quo supra paragrapho sexto, quo etiam praeceptore usus est in fundamentalibus; in ceteris Giottonis discipulus, eodemque felicior, a quo et cognomen retinuit. Opera eius. Inter opera eius pictura erat in se laudabilis quidem; sed quod Principem quendam contineret, cuius capiti, in opprobrium eius, vultures, aliaeque aves rapaces imminebant, famosa potius; cum Artis nostrae gloria quaerenda non sit ex aliorum, nedum Magnatum ignominia. Deinde Christum pinxit mortuum ovario subactu, circa quem Maria plorans, Nicodemus moerens; cum aliis tristitiae exemplis variis, venustate tamen vultuum servata incorrupte, quod mirandum maxime. Methodus eius. Tanta autem erat ipsius industria et elegantia, ut e paucis illis, quae de ipso re stant, vel capilli, barbae et vestes testentur, omnem perfectionis venustatem in ipso coacervatam fuisse. In hoc autem gloriae zelo sanitatis minus studiosus anno aetatis 32. tabe consumtus moriebatur.
XV. LIPPUS Florentinus
Pictor.
XV. LIPPO.Cuius faciem tabula L. spectandam exhibet, natus est anno 1354. et quamvis tardius ad Artem accessisset, sua tamen celebritate non caruit: non ob inventiones tantum, et historiarum combinationes, sed et ob colorum amoenitatem, ita ut, relicta veteri methodo, e tristi suo picturam lethargo excitasse dici queat. Maxima autem
operum parte circa annum 1410. perfecta, cum rixosior esset, et litium studiosus, vespere quodam ab adversario, quem antea in foro acerbius notaverat, in pectore vulneratus suum obiit diem.
DELLUS musculorum pingendorum Inventor.Plures alios hic transeo, Dello excepto, qui, quamvis delineandi alias non adeo esset gnarus, primus tamen musculos nudorum corporum discrevit, a Rege Hispaniarum propterea in ordinem equestrem elevatus.
XVI. MASACCIUS alias
THOMAS e castello S. Joan-
nis Valdarnensi oriundus
XVI. MASACCIO.MIsanthropos ob Artis studium et rerum suarum negligentissimus, unde Masaccio, sive incurius dicebatur; tantos in arte progressus fecit, ut novus quasi eiusdem Artificium eius. inventor dici posset, eo quod relicta veteri duritie et confusione, antiquissimam decororum gestuum methodum cum venusta ad vitae exemplar elevatione reproduxerit; catagraphorum et elegantiae ubique studiosus, vestium ob evitatas plicas nimias, et colorum in his cum carne concordantiam, artifex; in dispositione figurarum Philippi et Donati statuariorum imitator, ut imago elevatior etiam imi quid ostenderet: unde adhuc magni aestimantur illius opera, et plures eundem sunt imitati tam pictores quam statuarii, inter quos Johannes Fesulanus, et Philippus monachi; Philippinus; Alexius Baldovinettus; Andreas Castaneus; Andreas Verrocchianus; Dominicus Grillandaeus; Alexander Botticellus; Leonardus Vincensis; Petrus Perusinus; Bartholomaeus de S. Marco monachus; Mariottus Albertinellus; ut et Michael Angelus Bonarotus; Raphel Urbinas; Andreas Sartorius; Rossus, et plures alii.