103

Opera eius.Maxima pars operum eius Florentiae in Sacello Brancatti, ubi vitam Petri depinxit; et maxima cum laude historiam didrachmi ex ore piscis desumti. Item alibi Petrum currentem et alium simul nudum; qui prae frigore tremere videtur. Sed mortuus est in iuventa anno nempe aetatis 26. Christi 1446. veneni suspicione; Inter alia encomia et hoc honoratur Epitaphio:

Epitaphium: Invida cur Lachesis primo sub flore iu-
ventae
Pollice discindis stamine funereo?
Hoc uno occiso innumeros occidis Apel-
les;
Picturae omnis obit hoc obeunte le-
pos.
Hoc sole extincto extinguuntur sidera
cuncta;
Heu decus omne perit hoc pereunte
simul.

XVII. LEO BAPTISTA
ALBERTI Florentinus; Pictor
et Architectus.

XVII. LEON BAPTISTA ALBERTI.CUius iconem spectare licet tabula L. Geometriae, Arithmeticae et Architecturae laude clarus, Anno 1481. de Architectura latino sermone scripsit Libros decem; una cum Tractatu de Altimetria, Libros edit aliisque de vita civili et similibus. De pictura etiam edidit Libros tres, qui satis edocent, quantum in illa profecerit. Cum autem genere nobilis esset, status potius et studiorum ratione habita, in pictura nihil edidit illustre; Familiaris autem Papae Nicolao V. structuras adornavit complures, quarum aliquae cum laude eius adhuc spectantur.

XVIII. PETRUS Francis-
cae de castello S. Sepul-
chri.

XVIII. PIETRO DELLA FRANCESCA de Borgo a S. Sepolcro.OPeribus nocturnis celebris erat et Scenographicis: nec non proelii cuiusdam pictura, in qua metum, fortitudinem, celeritatem, aliosque belli casus cum mortuis et vulneratis hominibus equisque plurimis, fugientium confusione, pugnantium ardore, armorum fulgore etc. egregie expressit. De Arithmetica et Geometria plures edidit libros: imagines autem iconicas ad vivum dextre repraesentavit; cum operibus pluribus aliis, quibus haud parvam assecutus est famae gloriam.

XIX. JOANNES FESO-
LANUS, alias GUIDO
dictus.

XIX. GIOANNI DA FIESOLE; monachusPIctor nec arte nec opibus egens, relicto tamen saeculo, ordini S. Dominici, qui praedicatorum dicitur, sese addicebat, ubi deinde ob picturarum praestantiam Johannes Angelicus dicebatur. Pietatis autem tot edebat specimina, ut et cum a Nicolao V. Pontifice ad Archiepiscopatum Florentinum evehi posset, eundem humiliter recusaret: et ab eodem Papa ad prandium aliquando admissus, ne carnem quidem contra regulam, citra Prioris licentiam, vel Pontifice dispensante, comedere vellet; nec iratum eum quisquam viderit.

Opera eius.Inter opera eius commendantur Florentiae ad D. Marci et Fesulis in patria eius ad S. Dominici, libri aliquot monochromatica.opere miniato elaborati; quo in labore monochromatico adiutorem habuit fratrem suum. Inter primas Maiora.illius picturas imago erat D. Virginis in Certosa Florentiae, quae deinde in Sacellum Cardinalis Acciaiolitani translata est, ad cuius pedes angeli quidam musici; ad latera Sancti, Laurentius; Maria Magdalena; Zenobius, et Benedictus cum vitis illorum.

Alia eiusdem opera in eodem Sacello sunt, Coronatio Deiparae; Eadem D. Virgo inter duos Sanctos, colore caerulo Aegyptio (ultramarino) eleganter pictos; Ad S. Mariam Novellam prope ianuam e regione chori in recenti albario S. Dominicus, S. Catharina Senensis; D. Petrus cum sanctis quibusdam aliis. Item in linteo valvis organi affigendo, Annunciatio Mariae, quae adhuc hodie in coenobio e regione dormitorii imo loco consistit. A Cosmo Medicaeo artis causa tantopere amabatur, ut in illius gratiam idem novum templum et coenobium ad D. Marci huic ordini extrui curaret: Ubi noster in uno latere Aspectus passionem Christi, autoribus omnium Ordinum religiosorum moestissimis adstantibus; et pari tristitia in altero latere D. Marcum Evangelistam, D. Virginem; nec non tres alias Marias, una cum Cosmo et Damiano; et Cosmum quidem iuxta exemplar amici sui Antonii Banci pingebat. Inter alia sui ordinis Arborem quandam pinxit, inque trunco eius S. Dominicum, facie Innocentii VI. e Farnesiorum familia; in ramis vero omnes Pontifices, Cardinales, Episcopos, Praelatos, Sanctos et Doctores Theologiae