115

quoddam extruebat Florentiae extra Portam S. Galli, in obsidione Florentina mox iterum dirutum. Et ab isto S. Galli coenobio nomen his fratribus impositum est. Cumque Julianus de eo apud Magnum Ducem conquestus, familiae suae antiquae et optimae sic introduci oblivionem diceret; ille contra laudabilius esse, ait, si novae sit inchoator, quam veteris continuator familiae.

et Pisana.Florentinis deinde Pisas obsidentibus, cum commeatum haud penitus praescindere possent, a Petro Soderino in castra missus Julianus noster cum fratre Antonio, pontem supra Arnum struxit navalem, quo mediante statim ad paciscendum adigebantur Pisani. Duobus annis post, anno nempe aerae Christianae 1517. et 74. aetatis moriebatur Julianus [cuius iconem tabula N. exhibet:)] calculi morbo, fratre postmodum agricultura distento, eumque in morte secuto anno 1534. ubi eodem cum illo inferebatur sepulchro in crypta sc. Jambertina ad S. Mariam Novellam.

Inventa eorum.Hi Fratres egregiam Architectis post se reliquerunt methodum, ordine Dorico facilioribus et certioribus exculto regulis, quam praescripsisset Vitruvius, magno ubique in aedificiis usi artificio, domusque proprias statuis marmoreis et aeneis splendidissime exornantes. Unde hoc ipsis tributum est Epitaphium:

Cedite Romani structores, cedite Graii,
Artis, Vitruvi, tu quoque cede parens.
Hetruscos celebrate viros, testudinis arcus
Urna, thorus, statuae, templa, domusque
petunt.

XXXIV. DOMINICUS
PULIGUS Pictor Flo-
rentinus.

XXXIV. DOMINICO PULIGO.RUdolphi Dominici Girlandaei pictoris Florentini celeberrimi discipulus, aemulatione condiscipulorum ad tantam excitatus industriam, ut palmam vel praeceptori Opera eius. redderet dubiam. Opera eius erant Imago D. Virginis cum pueris quibusdam et angelis, penesque eam S. Bernhardus sedens et scribens. Item Cleopatra moriens aspide adhuc collo applicito. Lucretia deinde sibi manus inferens, et alia multo artificio elaborata. In templo Servitarum magno labore pinxit Imaginem S. Francisci: In templo Cestellensi prope tabernaculum in albario recente duos angelos, Imaginem Deiparae filium ulnis gerentis; S. Johannem Baptistam, S. Bernhardum, et alios. In coenobio Septimano extra Florentiam Imaginem Hugonis Comitis septem monasteriorum fundatoris: Et tandem in Castello Angiariensi, ablationem Christi de cruce.

Defectus eius.Maiorem autem assecutus fuisset in arte gradum, haud parum promotus celeberrimi

artificis Andreae Sartensis familiaritate, nisi lucro potius quam elegantiae deditus, nimiumque voluptatibus immersus fuisset: ob insignem tamen distribuendorum colorum peritiam famigeratissimis artificibus aequiparandus; Tandem mortuus est anno aetatis 52. post natum Salvatorem 1527. in effigie exhibitus tabula nostra. N.

XXXV. ANDREAS FESU-
LANUS Sculptor et Archi-
tectus,

XXXV. ANDREA DA FIESOLE. COmmuniter Andrea di Piero di Marco Ferrucci dictus, prima Statuariae tyrocinia apud Franciscum Simonem Ferrucium exercuit; et quamvis initio tantum gyros foliorum sculperet, continuatis tamen exercitiis et Statuarum sculpturam aggressus est Michaelem Mainum, S. Sebastiani in templo Minervensi, quod Romae est, autorem sedulo imitatus.

Opera eius.Forum Cornelii, quod Imola hodie dicitur, vocatus, ut Sacellum ibidem Innocentium lapide sculpto exornaret, tantam labore promeruit laudem, ut ab Antonio Georgio Septimiano Architecto Ferrantis Regis Siciliarum Neapolim vocaretur, ubi multis in locis, et praecipue in castello S. Martini, multa elaborabat. Impatiens autem aeris Campani mortuo Antonio in Tusciam rediit, Pistoriae in templo S. Jacobi e marmore Sacellum Baptismi Christi exornans; non baptisterio saltem sed et aspectu artificiossime ela borato, et hic quidem videntium magnitudine historia baptisati Christi exhibita.

Deinde pro templo Episcopali tabulam elaborabat simae sculpturae multarum figurarum: multaque nunc fama clarus, a Julio Cardinale Medicaeo conducebatur ad statuam unius Apostolorum effingendam, cum undecim reliquae a primariis illius temporis artificibus, Benedicto nempe Maiano, Jacobo Sansovino, Baccio Bandinellio, et Michaele Angelo Bonarotio confectae essent in templum S. Mariae Maioris, quod Florentiae est, ubi et picti erant a Laurentio Biccio duodecim Apostoli, collocandae. Quo in templo hic noster deinceps adhuc multa effecit: capite etiam Marsilii Ficini in porta Canonicali parato. Illius opera fontana quoque marmorea, nec non sarcophagus in Hungariam mittebantur: cum et Volaterris duos angelos grandiores ex eodem lapide; et pulcherrimam de ligno crucifixi imaginem in templo S. Felicitatis fabrefecisset.

Sed et in Architectura magnos fecit progressus, in qua discipulum habuit Mangonem Scarpellinum, qui postmodum Romae multa extruxit palatia magnificentissima. Senio tandem marcescens quadris