140
Julii Romani et Johannis Francisci venit. Sacellum S. Marcelli Romae pingit: expugnata Roma capitur. Deorum metamorphosin delineat, quae typis aeneis edita est. Genuam venit. Palatium ibi Principis Doriae extruit et pingit. Aeneam naufragum pingit. Illusori cuidam ostendit, quanto usui sit prototypum aliquod chartaceum. Gigantomachiam pingit. Pisis domicilium figit. Genuam revertitur: iterumque Romam. Ubi Sacellum SS. Trinitatis pingit, in quo miraculum Bethesdae; et resuscitatio Lazari. Ad ministeria Pontificis assumitur. Ubi oecum Regium pingit. Titianus Romam venit, icones picturus: multitudo operum eius. LVIII. DOMINICUS BECCAFURNIUS Senesis, pictor. Opilio primum: Romam venit: certamen init cum Johanne Antonio Vercellensi. Varia alit animalia. Lapsum Luciferi pingit. Genuam vocatur; sed non obsequens. Duccius Senensis, pictor, historias pingere invenit magnorum lapidis frustorum combinatione. Hoc modo Dominicus marmoribus et picturis aedem Dominicam Senensem exornat. Historia Mosis petram percutientis. Genuam venit. Ovarium colorem oleario praefert. Venustas facierum pars huius artis maxima. Historiam chimicam pingit.
LVII. PIERINUS de
VAGA Florentinus, pi-
ctor et Architectus
LVII. PIERIN DEL VAGA.ICone sua in tabula nostra P. spectandus, in magna paupertate educatus, matre mortua bimestri, patre milite, nutrice capra primum uso, mox Florentiam delato e pago puello, militiam iterum secuto. Puer igitur per pictorum ministeria oberrans, sedulus ubique diagraphicen iuxta Michaelis Angeli methodum sic excolebat, ut iuniorum pictorum Florentiae esset optimus. Cum autem eodem tempore pictor quidam communioris Ordinis Romam venit, Pierinum Romam deferret, cui Vagae nomen erat, hoc nomine deinde et noster, quamvis mox ille in Tusciam rediret, semper appellabatur. Pierinus igitur Romae hebdomades medias in officinis pictorum operabatur, medietate reliqua una cum festivis et nocturnis plerunque temporibus delineationibus ruinarum et aliorum operum impendens. Michaelis Angeli autem fornicem potissimum, una tamen cum Raphaelis methodo sibi proponens, additis etiam cryptarum laboribus, et iuncto plastices gypsatae studio, stipem interea ostiatim quaerens, brevi ita proficiebat, ut diagraphica omnes Romae tyrones praecelleret, musculis nimirum rebusque artis difficillimis aliis dexterrime expressis; unde inter et ad Raphaelem. Magnates etiam, nec non Julio Romano et Francisco sic innotescebat, ut a Raphaele Opera eius Romana. una cum Johanne Vedinensi ad labores admitteretur; inque Leonis porticibus cum tyronibus aliis certando paucis mensibus in encarpis, Alabandaeis, imaginibusque et historiis omnibus palmam praeriperet, Vestigia Raphaelis certissimo gressu sectando, et venustate atque audacia omnibus praeeundo, testantibus id primario historiis transitus Israelitarum per Jordanem, lapsorum murorum Hierichuntinorum, pugnae Josuae statione solis illustri, et e novae Testamento, nativitate, baptismo et cena Christi cum similibus aliis.
Ista sedulitate aliisque ministeriis tantopere Raphaelis sibi conciliabat favorem, ut
eum quasi filium amaret: unde eo maiori etiam fervore perfectioni insistens, in fornice oeci papalis, qua in porticus abitur, praeter alia plurima septem planetas: deinde Jovem cum aquila; Venerem cum columbis, nec non duodecim signa caelestia: in medio fornice autem quattuor Victorias pinxit, insignia pontificalia tenentes, inferne suspiciendas tantaque arte abbreviatas, partibus praecipue nudis per vestes blande transparentibus, ut opus illud magni aestimetur. Apud Pasquinum autem faciem domus cuiusdam monochromate griseo illustrabat, pulcherrima designatione.
Post alia pro Archiepiscopo Cypri Romae ad Chiavicam in palatio quodam antiquitatibus pleno cum aliis fabulas pingebat, topiaria, cryptas et similia varia: deinde et pro Comitissa Fuggera Germana palatium cum porticibus ab omnibus celebratum. Dein oecus quoque alius ad S. Augustinum ab ipso pictus est historiis plenus, a Romuli aetate, usque ad Numae Pompilii tempora, admiranda perfectione. Praeter multa alia, recommendatione Antonii de Gallo Architecti celeberrimi, cum laude elaborata, in Sacello Minervali ablationem Christi e cruce pingebat, imbrium deinde vi inter ruinas extinctam; quod opus inter celeberrima Romana connumeratum fuit. Apud Servitas etiam imagines et puelli quidam cum encarpis ab illo facti visuntur, carnositate et gestibus elegantissimi; loquentibus quasi et viventibus pueris, ut inter albarii opera hoc celeberrimum dici queat. Mox et a Cardinali de S. Quadro ad pingendum Sacellum aliquod in templo SS. Trinitatis ad sinistram aedis conductus, in albario humente inter alia exhibebat Danielem et Jesaiam Prophetas, quattuor cum dimidio cubitorum altitudine, magna devotione spectabiles: inter quos pueri quidam insignia Cardinalis tenent, vividissimi etiam. In quattuor praedicti fornicis angulis pictae sunt historiae S. Annae foecunditate donatae; Mariae natae; Mariae desponsatae; et eiusdem visitantis Elisabetham: ubi figurae quaedam pulcherrimae; praesertim per stylobatas ascendentium ad desponsationem spectandam.