301

perhibent abundantissima opera eius plurima, tam minutiora, quam maiora Antverpiae adhuc existentia.

CLX. HENRICUS BORCHENSIS
Frankenthalensis,

CLX. HENRICUS van der Borch.BRuxellis quidem natus, sed ob bella Belgico Hispanica cum parentibus in Germaniam profectus, cum ducente natura ad pictoriam inclinaret, Aegidio Falcoburgico Francofurti in disciplinam committebatur, a quo imbibitis mira solertia rudimentis In Italiam abit. in Italiam abiit, ubi per aliquod temporis spatium ardore maximo arti huic invigilabat, magnamque praeterea peritiam in antiquitate picturarum, statuarum, numismatum, aliorumque curiosorum acquirebat, quorum haud exiguam colligebat copiam, historiasque singulorum tam accurate recensere poterat, ut multos, qui ipsum inviserent, amicos, ad idem studium incenderet.

Francofurtum venit.Ducta uxore, Frankenthalii primum instituit rem familiarem, tandem autem ob belli tumultus Francofurtum se recipiebat, ubi domus eius vera evadebat tyronum Academia, praeludentibus inprimis Filii eius. duobus filiis eius: quorum qui natu maior erat, iuxta patris nomen Henricus et ipse dictus, ob singularem, quam a patre assuxerat, in his artibus dexteritatem, a celeberrimo illo Comite Arondelio vocatus, omnibus eius pinacothecis et exoticotamiis praeficiebatur, e quibus et curiosa quaedam rariora typis aeneis publicavit. Hic igitur Comes de Arondel eundem in Italiam secum abductum tam diu in servitiis suis detinebat, donec a moderno Britanniae Rege, prout mihi relatum est, picturis aulicis praeficeretur. Alter autem frater eius Franckenthalii adhuc habitare dicitur, inque arte nostra singulari excellere laude; de quo tamen, deficiente ulteriore notitia, plura superaddere non valeo. Sed et

CLXI. JACOBUS BACKER, Har-
lingensis,

CLXI. JACOBUS BACKER Harlingensis.OBlivione a nobis neutiquam transmittendus est, quod multa pariter hac in arte praecelleret excellentia. Hic enim quamvis Harlingae natus esset, Amstelodami tamen artem suam didicit, ibidemque similiter continuo permansit, inque picturas maiores moderni generis iuxta viva exemplaria inseruit plurima. Multa autem in pingendo pollebat venustate, iconumque copiam Amstelodami confecit quasi innumeram: una cum operibus quibusdam

maioribus integrarum turmarum e civibus armatis constantium, quae summa depraedicantur laude.

Ob velocitatem celebratur.Inprimis autem admirandae erat promtitudinis, ut mihi ipsi iconem aliquando ostenderet feminae cuiusdam, quae, ut effigies ipsius consiceretur, Harlemo Amstelodamum venerat, eademque die absoluto opere domum fuerat regressa, ut tantillo temporis spatio non facies tantum illius, sed et collare, vestisque pellicea, una cum pectorali, vestibusque aliis, et utraque manu, figura dimidiata viventis mole expicta essent quam elegantissime. Qualia specimina edidit plura; unde in Urbe praedicta Moritur Amstelodami.Amstelodamensi longam quoque, faustamque transegit vitam, quam tandem ibidem placida quoque commutavit morte.

CLXII. PAULUS MOREELIUS,
Pictor et Senator Ultraiectensis,

CLXII. PAULUS MOREELSEN.MIchaelis Mireveldii supra commemorati discipulus laudatissimus, honestorumque parentum filius optime educatus: post absoluta apud Mireveldium tyrocinia in Urbe Delphensium, in Italiam abiit, Romamque invisit promovendorum Picturis iconicis operam dat. ulterius studiorum suorum gratia. Domum autem reversus, ab omnibus magno colebatur honore, quod in picturis iconicis mirum in modum excelleret, naturalemque singulis similitudinem penicilli ductibus tribueret. Quamvis enim et picturis historicis ingenii sui vires quandoque proderet, ut quaedam istarum etiam typis publicis vulgarentur: ob nimiam tamen pingendarum iconum copiam, circa quas singulari utebatur felicitate, talibus raro vacare poterat. Inter vivos autem esse desinebat ibidem anno 1638.

CLXIII. HENRICUS VERBRUG,
Ultraiectensis

CLXIII. HENRICUS VERBRUG.EOdem tempore florebat, qui celeberrimi illius Blomarti ibidem fuerat discipulus; applicitisque in usum suum quam maxime picturis et exemplaribus Italicis Ultraiectum reversus erat. Cum autem natura sua ad profundiora inclinaret, melancholico quodam picturas suas plerumque imbuebat charactere; et quamvis naturam accurata satis, in tristioribus praesertim, exprimeret imitatione, gratia tamen carebat: unde tristiori quoque fortunae ad tumulum usque subfuit; cui illatus est ibidem anno 1640.