329

vocatione: unde amore nos invicem prosequebamur mutuo haud levi, Romaeque contubernii iure diu utebamur; ut et in campo iuxta ipsissima naturae prototypa creberrime pingendi institueremus societatem. Verum enimvero quemadmodum ego rupes saltem exquirebam singulares, stipites arborum extantiores, ramorum comas magis frondosas, cataractas undarum, aedificia et ruinas maiores et pro complemento picturarum historicarum magis mihi idoneas; ita ex adverso ille minori saltem pingebat forma, quaeque post secundum longius distarent fundum, et versus Horizontem diminuerentur, coelumque versus vergerent, inque his mirus revera dici poterat artifex: Unde saepius instituto permutationis contractu sic agebamus, ut subdialia illius minora Ego, etmOpera eius. maiora mea ille reciperet. Ubi inter alia mihi concessit horam quandam matutinam, in qua distinctissime perspicere licet, qua ratione Caeli lampas per bihorium quasi supra Horizontem elevata, aereas dispellat nebulas, roremque supra undas extrahat, immixto sensibiliter undiquaque splendore suo; qui debita proportione per campos sic allabitur, ut tam gramina, quam frutices et arbores nativo promicent lumine, umbellisque et luculis naturalibus omnia, sive aprica sive reflexa illustrentur irradiatione, in auras assurgant: quasi ipsa cuiusvis rei distantia singularem prae se ferret proportionem, et natura ubivis sese offerat fere vivam. Unde haud absque ratione Dominus Adrianus Pau Amstelodamensis abituro mihi quingentos pro tabula hac subdiali tripalmari florenos libenter exsolvebat. Et talia longe praestantissima ipse elaboravit plurima alia, ut divitias exhinc cumulaverit ingentes.

Perdurans autem in coelibatu, patruelem quendam suum ad se vocabat, qui totam ipsius rem familiarem, una cum parata pecunia administra et, coloribus quoque procuratis atque penicillis, ut ipse eo tranquillius studiis suis vacare posset; quod utriusque commodum insigniter promovet, cum ipse quietus admodum sic vivat et cura Pingendis imaginibus infelix est. vacuus, patruelis autem haereditatem aliquando omnium illius bonorum speret; et respublica adeo haec parvula concordi adhuc tranquillitate subsistat. Quanta autem in exprimendis naturali specie subdialibus quibusvis Artifex hic utitur felicitate; tam infelix e contrario in depingendis hominibus et animalibus est penicillus eius: quamvis dimidium saltem exequent more digitum: nec proficit ipsi, quod magnam in hoc picturae genere simul collocet industriam, interea quoque per multos annos Romae in Academiis iuxta exemplaria viva et statuas varias delineando, sese exercurrit, imo maiori studio imagines, quam subdialia

tractaverit; semper enim illae invitum quidpiam prae se ferunt. Interim tamen nec id negari potest, eum et in subdialia operam impendere quasi immensam, crebrisque saltem repetitionibus, perquisitionibus et emendationibus illa ad istam ab eo perduci perfectionem; ut circa rem unicam, integram quandoque, imo duas insumat hebdomadas, et vix tamen ostendere possit, quid interea praestiterit.

Opera eius in albario recente.Non coloribus autem oleariis saltem, sed et in albario recente opera elaboravit clarissima plurima; et inter alia apud Mutium Nobilem quendam quattuor parietes oeci cuiusdam maioris admodum altos sic exornavit; ut prima in parte exhiberet palatii cuiusdam fragmentum, ad silvam quandam maiorem terminatum, ubi arbores expressit diversas naturali omnes quantitate quasi veras, stipitem, frondes, coloremque tam argute iuxta cuiusvis speciem singulis tribuendo, tamque distincte cunctas repraesentando, ut vento movente perstrepere videantur. Fruticeta autem circum circa et herbarum e terra pronascentium genera tam lepide maiorum istarum arborum fundum diminuunt, ut huius beneficio pars picturae istius in secundo pariete altera, cum priore connectatur, eodem hucusque continuato, retentis utrinque eadem altitudine, magnitudine, et elongatione ab Horizonte. Pars altera autem campum refert maiorem apertumque, montibus, cataractis, arboretis, fruticetis, graminibus et herbis, viatoribus, et animalibus refertum: et haec omnia in tertium iterum sese exporrigunt parietem; in quo montes quidam iuxta portum aliquem manuum, una cum instrumentis nauticis variis, multisque in aequoris plano ventorum rabie anxie divexatis navibus. Versus quartum autem parietem petrae depictae sunt excavatae, antra, ruinae aedium, murorum rudera, statuarumque et similium fragmenta, cum feris quibusdam Omnem superant laudem. bestiis: quae omnia tanto elimata sunt artificio, ut peritus quilibet hinc diiudicare queat, Claudium nostrum in pingendis subdialibus summam attigisse laudem: fatendum enim omnino mihi, nimia calamum deficere imbecillitate in enarrandis illius encomiis; ut technophili necessario remittendi mihi sint ad ipsa opera eius, partim Romae, partim apud alios Reges et Monarchas per universum quasi orbem extantia. In specie autem apud Illustrissimum Dominum de Mayer Liberum Baronem hic in Germania, in cuius technophylacio, quod Monaci est, splendidissimo, Claudii nostri manu elaborata existit tabula quaedam Aurorae tempus exprimens, in qua exoriente nunc solis iubare roris hinc inde deficere incipiunt guttulae, campique et arbores iucundum exosculantur