75
cum videret Hippolytus patrem novercae dolo persuasum de nece sua cogitare, conscenso curru fugam arripuit. Sed dum ad mare Corinthiacum littus carperet:
Corniger hinc taurus ruptis expellitur un-
dis,
Pectoribusque tenus molles erectus in auras
Naribus et patulo partem maris evomit
ore,
Corda pavent comitum etc. Sic Ovid. Me-
tamor l. 15. fab. 45.
ubi exterriti equi, frustra obluctante Hippolyto, currum per scopulos et saxa traxerunt, iuvenemque loris implicitum varias in partes discerpserunt.] In Porticu vero Pompeia Cadmum et Europen. [Agenoris Phoenicii filium et filiam, quorum ille sororem a Jove raptam quaesiturus, non rediit, in serpentem tandem mutatus: haec vero a Jove in bovis speciem transformato in Cretam transvecta est.] Idem iocoso nomine Gryllum ridiculi habitus pinxit: unde hoc genus picturae grylli vocantur. [videtur, cum Aegyptius fuerit, hieroglyphici aliquid subfuisse, et animalculum illud de locustarum genere intelligi.]
Primis ergo proximum eum dicit Plinius lib. 35. cap. 11. laudatumque puero ignem conflante, ac pulchra alias domo splendescente, ipsiusque pueri ore: item lanificio, in quo properaverint omnium mulierum pensa: porro et Ptolemaeo venante: et nobilissimo Satyro cum pelle Pantherina, quem Aposcoponta vocabant, quasi e longinquo aliquid perspicientem.
XLV. CTESIDEMUS.
XLV. CTESIDEMUS.DE Ctesidemo Plinius lib. 35. cap. 11. haec tantum refert, quod inter eos numerandus sit, qui primis inter pictores proximi fuerunt; cumque eosdem ordine Alphabetico recenseat, hunc Ctesidemum Antiphilo postposuit; quamvis eiusdem fuerit praeceptor. Dicitque quod innotuerit Oechaliae expugnatione [quae fuit urbs Boeotiae Eurytiregia, quam Hercules funditus evertit, cum Eurytus ipsi pactam certaminis lege filiam Jolen tradere recusasset. Virg. 8. Aen.] et Laodamia, [fuit haec Bellerophontis filia ex Achemene coniuge: cuius amore correptus Jupiter cum ea concubuit, suscepitque Sarpedonem. Sed Diana Laodamiae infensa suis eam telis confixit. Hom. 6. Iliad.]
XLVII.XLVI. CTESILO-
CHUS.
XLVI. CTESILOCHUS.DE Ctesilocho ibidem Plinius refert, quod Apellis fuerit discipulus et petulanti pictura innotuerit: Jove Liberum parturiente depicto, mitrato, et muliebriter ingemiscente, inter obstetricia Dearum.
XLVII. CLEON.
XLVII.CLEON.CLeon a Plinio inter Statuarios numeratur l. 34. cap. 8. eosque praecipue, qui statuis Philosophorum inclaruerunt. pictor et StatuariusIdem autem, lib. 35. cap. 11. etiam inter pictores numeratur primis proximos; ubi Admeto innotuisse dicitur. [fuit a. Admetus Rex Thessaliae ex antiquissimis, cuius armenta Apollo pavisse dicitur; amore eius accensus, quod Deo similis esset pulchritudine, canente Callimacho.]
XLVIII. ARISTOLAUS
Atheniensis.
XLVIII. ARISTOLAUS.ARistolaus inter pictorum proceres numeratur a Plinio l. 35. cap. 11. Fuit autem Pausiae filius et discipulus, et e severissimis pictoribus. Cuius opera erant: Epaminondas [Thebanorum Dux in praelio apud Mantineam sparo percussus relatusque in castra semianimis, requisivit, salvusne esset clypeus; cumque salvum esse sui flentes respondissent, allatum velut socium laborum gloriaeque osculatus est: perceptaque hostium fuga evelli tum denique spiculum iussit, ita multo sanguine profuso in laetitia et victoria mortuus est.] Pericles [vir clarissimus Atheniensis, qui rempublicam ibidem quadraginta annis gubernavit.] Medea [Jasonis expeditione clara:] Virtus; Theseus: Imago Atticae plebis: boum immolatio.
XLIX. MECOPHANES.
XLIX. MECOPHANES.DE isto paucula haec Plinius lib. 35. c. 11. Sunt quibus et Mecophanes eiusdem Pausiae discipulus placeat diligentia, quam intelligant soli artifices: alias durus in coloribus, sed et multus.
L. SOCRATES.
L. SOCRATES.SOcrates a Plinio inter pictorum primos recensetur ultimo loco l. 35. c. 11. cumque praecedentem quibusdam placere dixisset; hunc iure omnibus placere addit. Et inter picturas eius refert Aesculapium cum filiabus quattuor, quarum nomina sunt: Hygia; Aegle; Panacea, et Jaso. Praeterea ipsi tribuit picturam Pigri, qui appellatus fuerit Ocnos, spartum torquens, quod asellus arroderet. Quamvis Pausanias dicat, hunc a Polygnoto pictum.
LI. HERACLIDES.
LI. HERACLIDES Macedo Pictor.INter primarios a Plinio refertur lib. 35. c. 11. his verbis: Est nomen et Heraclidi Macedoni. Initio naves pinxit: captoque Rege Perseo Athenas commigravit, ubi eodem tempore erat Metrodorus pictor, ubi procul dubio artem absolvit.