105
veneno necatur.Tandem cum Spoleti in templo quodam iterum opus aliquod incepisset, pro more rursus feminae cuidam insidiatus, ab istius cognatis veneno tollebatur anno aetatis 57. Christi 1438. a Magno Hetruriae Duce sepulchro marmoreo, et ab Angelo Politiano hoc epitaphio honoratus:
Epitaphium.
Conditus hic ego sum picturae fama Phi-
lippus,
Nulli ignota meae est gratia mira ma-
nus.
Artifices potui digitis animare colo-
res;
Sperataque animos fallere voce
diu.
Ipsa meis stupuit natura expressa figu-
ris,
Meque suis fassa est artibus esse pa-
rem.
Marmoreo tumulo Medices Laurentius
hic me.
Condidit: ante humili pulvere tectus
eram.
ANTONELLUS, GIRLANDAEUS,
et adhuc quattuor Artifices alii.
XXI ANTONELLUS, pictor Messanensis, a Johanne de Eyk artem discit subactu oleario pingendi, eamque in Italiam defert. Epitaphium eius. Discipulum habet Dominicum; ex invidia deinde occisum. XXII. DOMINICUS GIRLANDAEUS, pictor Florentinus. Opera eius Florentiae ad S. Mariam Novellam. Joachimus et Anna. Historia magorum. Infanticidium Herodis. Vita Johannis Baptistae. XXIII. ANTONIUS et PETRUS POLLAIVOLIPOLLAIUOLI fratres, pictores Florentini. Antonius martyrium S. Sebastiani; magnum Christophorum; tres historias Herculis; pugnam Michaelis et Draconis Aretii pingit: naturalem musculos pingendi methodum ostendit. Utriusque fratris Epitaphium. XXIV. ALEXANDER BOTICELLIUS Florentinus pictor, Augustinum pingit: duas Veneres; historiam trium Magorum: otio et lascivia ad paupertatem adigitur. XXV. ANDREAS VEROCCHIUS Artifex Florentinus in variis; Diagraphices callentissimus: artem gypso ad vivum plasmandi invenit. Venetias vocatur. Responsum eius iram Venetorum mitigat. XXVI. ANDREAS MANTINEA pictor Mantuanus. Opera eius Patavina. Matrimonio in odium Praeceptoris incidit, qui opera eius contemnit: sed in emolumentum contemti. Utrum melius sit, ad imaginum; an ad viventium exemplar pingere? Defectus eius. Alia eius opera Mantuae facta. Triumphus Julii Caesaris. Romae sacellum in Belvedere. Modestia eius in poscenda pecunia. Aeri etiam incidit. Epitaphium eius.
XXI. ANTONELLUS
Messanensis pictor.
XXI. ANTONELLO.PRimus colores oleo subactos in Italiam transtulit, quorum inventio tum nondum innotuerat. Cum enim Siciliarum Regi Alphonso a mercatoribus Flandris tabula quaedam subactu oleario picta mitteretur, quam, quod aqua purgari posset, coloribus non deletis, omnes admirarentur; inter alios hic quoque Antonellus rei novitatem inspecturus accedebat; qui delectatus tam blanda colorum commissura cum artificem in Flandria degere intelligeret; omissis omnibus negotiis aliis Burgas Flandricas se contulit ad Johannem Picturam oleariam discit. de Eyk: cui multa Italicae methodi specimina, designationes varias, et alia communicabat, tanta modestia eidem sese
insinuans, ut tandem familiaritate contracta, artem hanc oleo utendi ab eo edisceret, nec ante mortem eius ab eo discederet. In Italiam igitur reversus nova hac arte haud parum lucrabatur: Venetiisque pro habitaculo electis multa oleo pingebat opera, ut hoc tandem nancisceretur Epitaphium:
D. M. S.
Epitaphium eius. ANTONIVS. PICTOR. PRAECIPVVM. MESSANAE. ET. SICILIAE. TOTIVS. ORNAMENTVM. HAC. HVMO. CONTEGITVR. NON. SOLVM. SVIS. PICTVRIS. IN. QVIBVS. SINGVLARE. ARTIFICIVM. ET. VENVSTAS. FVIT. SED. ET. QVOD. COLORIBVS. OLEO. MISCENDIS. SPLENDOREM. ET. PERPETVITATEM. PRIMVS. ITALICAE. PICTVRAE. CONTVLIT. SVMMO. SEMPER. ARTIFICVM. STVDIO. CELEBRATVS.