127
marmore sculpta esset. Deinde et in Eremitarum templo prope Florentiam tabulam altaris pingebat, in qua Maria Magdalena cum Christo in horto; tanta cum laude, ut duo adhuc alia opera ibidem perficere cogeretur.
Porro cum socio in coenobio Munziarensi eiusque Vestibulo varias pingebat historias de Philippo istius ordinis fundatore, gloriae potius quam lucri causa. Primo nempe, qua ratione Philippus nudum quendam vestiat. Secundo, quomodo blasphemos quosdam admoneat, fulmine deinde ictos; mortuis scilicet duobus, lipothymia deficientibus aliis, aliis fugientibus; ubi mulier inter alia quaedam tantum in fuga prae se fert terrorem, ut vivere videatur; adiecto et equo simili consternatione perculso. Tertio, quomodo obsessam liberet Philippus. Et quarto qua ratione mortuo eodem, tactoque illius feretro vivificatus dicatur infans quidam, quem partim vivum, partim mortuum esse voluit artifex. Nec non quinto, quomodo cucullum Philippi in infantes coniciant monachi; ubi iconica quaedam. Pingenti etiam in albario recente socio suas suppeditabat inventiones in duabus historiis aliis; nimirum in nativitate D. Virginis, visitantibus Annam mulieribus quibusdam; inter quas uxorem suam, pro more illius temporis vestitam, introduxit pictor: ad ignem aliis, aliis cum infantulo occupatis lavando et cunis imponendo: apposito etiam puero quodam vividissimo ad ignem se calefaciente, et sene alio in grabato decumbente: spargentibus flores puerulis aliis, et aliis puerperae cibos subministrantibus: Deinde et magorum ibidem pinxit historiam, iamiam ex itinere descendentium, sequente comitatu cum curribus et similibus; quos visuri pueri quidam in columnas enituntur; intermixtis iconibus multis, animalibusque exoticis.
Mixtura olearia multas pingebat Deiparae imagines, quas in urbe dicebant optimas. Discalceatis etiam Charitatem pingebat, et Iustitiam, duplex opus: nec non Johannem praedicantem; et alio opere eundem baptizantem; Quo in opere inventionibus quibusdam Alberti Düreri utebatur, chalcographice tum editis, exprobrantibus id aliis, tanquam inventione egeno: quamvis in se nec impertinens sit nec culpabile. Cum eodem tempore Baccius Bandinellus diagraphica iam nobilis, pingendi artem ab eodem discere vellet, propositis ab Andrea operibus quibusdam difficilioribus, et icone propria, difficultate territus pictoria deserta ad sculpturam sese applicabat.
Deinde Christum mortuum pingebat Andreas, Angelis quibusdam corpus domini tenentibus, mortemque dolentibus:
quod opus cum spectatores aeri incidendum suaderent, ipse, ob defectus quosdam typi aenei, edi nolebat. Pictura autem ipsa ad Regem Galliae missa, tantopere placebat eidem, ut plures desideraret illius manu factas: uti et in Galliam abiisset, nisi Leone Papa in patriam Florentiam animi causa iter instituente, a sympatriotis suis detentus, aspectus templi S. Mariae floridae monochromate griseo pingendus ipsi fuisset; quod tanta faciebat arte, ut Papa diceret, ne marmore quidem ea fieri potuisse meliora.
Deinde pro Rege Galliae Imaginem Deiparae pingebat tanta pulchritudine, ut mercatores maximo illud cum lucro venderent. Item pro Servitis Christi faciem, adhuc hodie in aede Annunciatae in altari extantem tantae elegantiae, ut mirum sit eodem pertingere humanum ingenium. In Templo S. Galli tabulam pingebat quattuor de Trinitate disputantium; item Augustinum Africana facie, episcopali habitu: D. Petrum ut martyrem: S. Franciscum et S. Laurentium: infra genibus innixa Maria Magdalena, sub uxoris icone (prout communiter in feminis solebat:) et S. Sebastiano averso, eleganti expressione locatis, quod ex operibus eius oleariis optimum censetur.
In Galliam abit.Cum igitur eodem tempore Galliarum Rex Franciscus I. multas Roma, Venetiis et e ditionibus Longobardicis sibi afferri iussisset picturas, Andreaeque tabulae prae ceteris ipsi placerent, in aulam eundem impensis suppeditatis vocabat; qui humaniter acceptus, et altera mox die pecunia plurima, vestibusque donatus, Delphinum deinde pingebat fasciis adhuc involutum, tanta cum complacentia Regis, ut trecentos illi propterea coronatos porrigi iuberet: prout et pro Caritatis imagine quadam magno illum prosequebatur munere, magnusque procul dubio factus fuisset et honore et opibus, nisi Regis gratia volens excidisset; Cum enim pro Regia matre Hieronymum pinxisset poenitentem, acceptis ab uxore literis, de reditu ipsum sollicitante, veniam a Rege petebat uxorem adducendi; qua impetrata in menses aliquot, nec minus et pecunia accepta haud pauca pro coemendis picturis quibusdam, typis aeneis, et statuis artificiosissimis; domum reversus cum pulchra uxore et amicis genio indulgens, et suam consumebat pecuniam et regiam: appropinquante etiam reditus tempore, lacrimis uxoris promisso antepositis domi remanebat; cum tanta Florentina eius opera. Regis indignatione, ut nullo Florentinorum se confisurum amplius iuraret.
Andreas igitur egenus iterum pro sustentanda labore vita adiutor erat Franciae, socio suo in pingendis duodecim historiis de S. Johanne supra iam commemoratis. Similiter et Assumtionem Mariae pingebat: et in villa quadam Servitarum duas historias