128
de Vinea Christi: ubi in una Pater familias operarios quosdam vocat, excusationem quasi instituente uno: in altera solutio fit mercedis, in albario recente monochromate griseo elegantissimo. Deinde et Christum mortuum elaborabat cum Johanne adstante et Maria genibus innixa dolore maximo, Josepho autem quasi ob sepeliendum in monumento suo Dominum, retro in rupe quiescente, laetiore.
Cumque eodem tempore iussu Pontificis in Palatio Mediceo a tribus artificibus celeberrimis pingendae essent tres historiae de Julio Caesare, adque id electi essent Andreas Sartorius, Francia Bigius, et Jacobus Pantormitanus; duobus postremis, etiam magna oblata pecunia, renuentibus, Andreas pensum suum absolvebat: In aede nimirum quadam magnificentissima scenographice depicta Julio Caesare exhibito in throno quodam scala artificiosissima praemunito, cui, ut monarchae, omnes provinciae (suo habitu et animalibus suis distinctae,) tributa ferunt.
Interea Andreas fortunae prioris in Gallia memor, gratiam Regiam iterum aucupaturus Johannem Baptistam pingebat seminudum, dono eundem missurus magno Aulae praefecto: quem tamen urgente quadam necessitate iterum vendebat. Grassante autem tum, anno Christi sc. 1523. Lucana Florentiae, peste horrenda; Andreas Lucam in coenobium quoddam monialium refugiens cum uxore et liberis, ob ista monialium beneficia iisdem Christum pingebat mortuum, tanta veritatis convictione, ut melius fieri non potuisset; adiectis figuris quibusdam, affectibus etiam notanter discretis. Iisdem etiam Visitationem Mariae pingebat; et in linteo Christi faciem, quod opus inter primaria illius numeratur, a multis pro idea usurpatum. Florentiamque deinde reversus, adhuc multa alia conficiebat, tam magna quam parva.
Apographis etiam tam erat insignis, ut cum Fridericus Dux Mantuae a Papa Clemente VII. Iconem Leonis X. et aliquot Cardinalium, Raphaelis opera, dono accepisset, hic tabulae illius clam ab Andrea Sartorio fieri iubebat apographon; quod cum autographo tam esset simile, ut a se invicem dignosci vix possent, transmisso Apographo, prototypon retinebat Papa, ne tanto artificio privaretur Roma: illudque pro originario ab omnibus, imo ab ipso Julio Romano in arte peritissimo habitum diu est, donec Georgius Vasarius pictor etiam celebris ex aversa parte telae agnosceret, Florentiae illud factum, non autem Raphaelis manu.
Aliquando extra Florentiam ad pingendum opus aliquod vocatus, praeoccupante laborem Nicolao Saggio Sansovino, et ad
certamen hunc nostrum, proposita brabei loco magna pecuniae summa, provocante, Andreas id detrectans, vincenti, dicebat, sibi gloriam exiguam, superato ignominiam peste moritur. maximam expectandam: oblato ad certamen discipulo, pro quo si superetur, ipse soluturus sit. Florentiam ergo reversus, peste, quam Germani intulerant, derelictus ab omnibus, imo et ab uxore, ipse etiam moriebatur anno aetatis 42. Christi 1530.
XLVI. JOHANNES
ANTONIUS LICINIUS
Pordenonensis
XLVI. GIOANNI ANTONIO LICINO de Pordenone.A Castello huius nominis in tractu Foroiuliano 25. milliaribus a Vedino dissito cognomen patriae habens, artem proprio marte didicit nullo praeeunte praeceptore, Georgionem potissimum secutus pro possibili, Opera eius Vedinensia, cuius opera aliquoties Venetiis cum voluptate viderat. Relicta ob pestem patria, apud rusticos vitam sustentabat, picturis in albario recente iisdem pictis. Cognito igitur optime tam glutinario quam oleario colorum usu Vedinum veniebat, inque Conventu S. Petrum pingebat martyrem; et in altari Annunciationem D. Virginis, tanta industria, ut hoc opus ab artificibus haberetur pro illius palmario. Deinde et curiam illius loci pinxit extrinsecus in recenti albario, hoc ipso testatus non egenum se inventionibus. Varios ibidem depingebat arcus historiis elegantissimis: exhibita inter alia columna quadam Corinthia in mari consistente, a dextris Sirene blandissima, a sinistris a Neptuno detenta: cuius capitulo impositus esset pileus Cardinalitius, cum inscriptione Columnae Pompeianae. Praeterea hac in curia expressa est Gigantomachia, fulmine Jove deturbante oppugnatores, duobus ex istis baculis Dianae imminentibus, torvo eiusdem vultu inhibitis, decumbentibus infra mortuis abbreviatisque corporibus variis, et repleto Divis desuper olympo.
Multa quoque elaboravit Spelimbergi, Mantuana. Vicentiae et Mantuae: hic enim fornice quodam depicto in gypso humente, trabeationem latinis quibusdam literis condecoravit sesquicubitalibus, intermixtis puerulis Vicentiana. vario gestu discursitantibus. Vicentiam deinde reversus, operibus quibusdam pulcherrimis tantum sibi conciliabat favorem, ut Nobiles urbis egregio ipsi prospicerent matrimonio, magni semper aestimato. Veneta. Venetiis in canale magno aspectum quendam olearia exornabat mixtura: aliumque in calce recente multis appictis historiis: nec non tabulis quibusdam in templa elaboratis. Ibidem et Curtium pingebat equitem abbreviatum: et Mercurium