Permanente URL:
http://la.sandrart.net/-text-academia-0197

129

Linke Spalte

recta undiquaque ad supera volantem, melius Venetis operibus suis placens, quam antecessores.

Cumque coaetaneus ipsi esset Titianus, pictor alias praestantissimus, facundia etiam et comitate singularis, istius sane gloria tantum Pordenonio addebat calcar, ut aemula utrinque diligentia alter alteri praeeminere studeret; assecutis tandem perfectionis apicem ambobus. In Titiani igitur aemulationem Sacellum aliquod pictura conde corandum accipiebat in templo S. Rochi. In cuius fornice Deum Patrem exprimebat variis circundatum angelis, in Zophoro autem octo pingebat veteris Testamenti imagines, et in angulis quattuor Evangelistas, in summo altari Christi transfigurationem, et in circulos intermedios quattuor Ecclesiae Doctores. Deinde et oecum pingendum accipiebat Pregaensem, ubi expressis figuris infra conspiciendis variis, et Zophoro monstris marinis repleto tantum merebatur Senatus applausum, ut ad dies vitae annuo remuneraretur stipendio. In coenobio etiam S. Stephani multas depingebat Veteris Testamenti historias, intermixtas quibusdam ex Novo aliis, et insertis alicubi Virtutibus, ubi abbreviationum

Rechte Spalte

et Catagraphorum sese praestitit magistrum. Quamvis fatendum sit, ex invidia Pordenonium praelatum esse Titiano, cum huius tamen revera opera meliora essent.

Genuensia.A Doria Principe deinde Genuam vocatus ad accelerandum Palatii eius laborem, a Pierino Vagio iam quidem inchoatum, sed tardiori gressu promotum: Zophorum quidem pingebat suo more puerulis plenum, e nave quadam varia monstra marina eicientibus: nec non Jasonis Argonautae ad petendum aureum vellus navigaturi fabulam. Collatis autem a Doria istius quidem duritie, cum Pierini venustate, dimissus Ferrariae moritur. illico Venetias noster repetebat, Ferrariam deinde abiens; ubi cum nemo amplius in diagraphica praecelleret, Hieronymo Ferrariensi iconibus potius distento, Duci quidem acceptissimus erat, sed postquam pingere inchoasset rariores, doloribus pectoris coangustatus, veneni suspicione cum summo amicorum dolore moriebatur anno aetatis 56. promtitudine laboris albarii et magnorum operum, inventionum felicitate, et universali peritia perpetuam promeritus laudem.


CAPUT IX.
POLYDORUS CARAVAGIENSIS,
ROSSUS,
et artifices adhuc quinque alii.
Argumentum.

XLVII. POLYDORUS CARAVAGIENSIS Pictor Longobardus, murarius primo; monochromate delectatur: fidem Romanam eleganter repraesentat. Opus eius veruculatum. Raptus Sabinarum. Subdialibus clarus est. Opera eius polychromatica. Amicus eius Maturinus moritur. Neapolim abit et Messanam: Christum crucigerum pingit: a servo suo occiditur. XLVIII. ROSSUS Florentinus Pictor et Architectus: autodidascalus est, assumptionem Mariae pingit: Alia eius opera; Romana, Perusina, Aretina: Protoplastas pingit; arcam foederis, et thronum Salomonis. Burgum venit: Picturae et Architectonica eius Fontebellaquensia. Alia eius opera. Opes eius et dignitates. Veneno sumto autochir evadit. XLIX. ANDREAS COSMUS Florentinus pictor: methodum invenit in calce ad fundum nigrum veruculo uti. L. MORTUUS FELTRENSIS pictor; militiam sequitur. LI. MARCUS CALABER pictor, Neapolim venit. LII. NICOLAUS CALABER Pictor. Uxor eius aquis suffocatur maritum ereptura. Opera eius Civitatis Castellanae. LIII. FRANCISCUS MAZZOLIUS Parmensis Pictor. Diagraphica excellit. Opera eius Parmensia; et Mantuana. Conclave artificiosum: Romam venit. Circumcisionem Christi pingit. Propter artem salvus manet inter milites. Bononiam venit. Opera eius ibidem facta. Furto socii cuiusdam graviter spoliatur. Opera eius alia. Imperatorem Carolum V. absentem pingit nuda adiutus memoria. Obitus eius.