143
ad magnum altare collocatis; multa cum laude illius; ficturus et duodecim Apostolos, si vita suppetiisset. Praeterea et ligno incidebat, et aeri quaedam: exesis etiam aqua forti historiis quibusdam Chymicis, de Jove et aliis Diis Mercurium coagulaturis,
quem vinctum crucibulo imponunt, Plutone et Vulcano ignem tractantibus, hoc autem avolante, Moriebatur autem anno 1549. aetatis 65, Sepultus magnifice in aede Dominica.
JOHANNES VEDINENSIS ET JACO-
BUS de PUNTORMO, Pictores.
LIV.LIX. JOHANNES VEDINENSIS Pictor. Discipulus est Georgionis Venetiis. Romam venit ad Raphaelem. Naturalium expingendorum studio tenetur. In tabula Bononiensi S. Coeciliae, instrumenta musica pingit. Iuxta antiquorum opera, plasmata gypsata invenit. In quibusdam antiquos superat. Tapete picto Cubicularium Pontificis decipit. Opere gypsato porticus Vignae Madama exornat. Fontanas pingit pulcherrimas. Pro uno opere dono accipit toparchiam integram. Pro Augustino Chisio oecum pingit. A Papa salarium accipit. Vedinum abit. Inventor dicitur vaccae pictae. LX. JACOBUS de PUNTORMO. pictor. Praeceptores eius. Prima eius pictura artifices in admirationem rapit. Adiutor est Andreae Sartorii. Opera eius in templo Servitarum. Bonaretii vaticinium de ipso. Variae larvaturae, inter quas tres currus de aetate humana ab ipso picti. Septem currus alii: Saturni primus: Numae Pompilii secundus: Consulum tertius; Julii Caesaris quartus: Augusti quintus: Traiani sextus: Aureae aetatis septimus. Visitationem Mariae pingit. Opera eius alia. Albertum Dürerum honore prosequitur, et iuxta typos huius aeneos pingit. Adhuc alia eius opera. Pro plebeiis libentius, quam pro magnatibus pingit. Florentiae Sacellum S. Laurentii pingit. Perfectioni nimium intentus, imperfectiora pingit. Genius eius.
LIX. GIOANNI da UDINE.LIX. JOHANNES VEDI-
NENSIS Pictor.
ATeneris ad diagraphicen pronus, cum canes, capras, lepores, aves et alia similia pingeret, a Patre Venetias ad Georgionem de Castello Franco in disciplinam tradebatur: unde auditis Michaelis Angeli et Raphaelis laudibus, cum recommendatione ad Balthasarem Castiglionaeum Raphaelis amicum, Romam venit ad Raphaelem Romam profectus, huiusque factus discipulus, brevi praeceptoris methodum magno cum iudicio imitabatur, naturalium praecipue studio ductus, ut sunt animalia, vestes, instrumenta, vasa, urcei, subdialia, aedes et similia. Aves autem imprimis tanta pingebat veritate, ut vivere viderentur, quarum picturis integrum impleverat librum varietate iucundissima. Deinde a condiscipulo quodam Johanne fructuum, foliorum et florum pingendorum peritissimo et hoc genus addiscebat. In tabula igitur illa S. Caeciliae Bononiam mittenda organum pingendum ipsi a Raphaele tradebatur, quod tanta efficiebat industria, ut illud, cum instrumentis musicis aliis, a Raphaele confectis, una manu pictum videatur.
Plasmata gypsata invenit.Effosis illo tempore in ruinis Palatii Titi ad S. Petrum in Vinculis cryptis quibusdam, opere plastico gypsato plenis, non diagraphica tantum illorum, sed et plastica tantopere delectabatur Johannes, ut omni tentaminum genere hanc imitari studeret, primum calce, pice graeca, cera et latere trito mixtis et deauratis; deinde e calce et arena Puteolana factis anaglyphicis; nondum tamen laevorem illum assecutus, iterum cum lapide Tiburtino candido calcem miscebat: et nec sic ad antiquos omnino accedens, marmor candidissimum in pulverem comminutum cum calce Tiburtina miscebat pulcherrima, idque antiquorum veram reperiebat esse massam pro opere plastico Tiburtino.
Cumque tum Raphael in exornandis porticibus versaretur, novum hoc Johannis inventum ibidem hunc applicare iubebat, quod tanta hic praestabat felicitate, ut ipsa etiam antiquorum opera superaret, factis aviculis plumatis, quasi viventibus; piscibus ibidem variisque monstris marinis, nec non fructibus, uvis, floribus, frumento, Tapite picto cubicularium pontificis decipit. avena et similibus iuxta cuiusque naturam. In fine porticus ad murum Johannes tapetem pinxerat, ad quem cum Papa accederet Cubicularius quidam eundem elevaturus