144
accurrebat, delusus veritate simulacri: Et haec in porticu superiore. In inferiore, praeter plastica similia elegantissima, in summitate fornicis currus quidam picti erant uvis et aliis fructibus onusti, advolantibus varie avibus, et uvis quibusdam quasi dependentibus. In alio autem oeco Johannes varios pinxerat psittacos, quos Leo Pontifex alebat, nec non cercopithecos, simiasque maiores et minores et exotica similia: quem oecum deinde Paulus IV. Pontifex destructis his omnibus, magna cum pictoriae clade, in alia cubicula commutavit.
His et aliis quibusdam peractis, porticus etiam tam plastica quam pictura exornabat in Palatio, quod Vigna di Madama dicitur, Alabandaeis ibi, encarpis, portis, fornicibus, et trabeationibus tanta sedulitate effictis, ut se ipsum superare velle crederetur. Quo facto a Cardinali Julio Medicaeo Canonicali donabatur beneficio in Urbe Foroiuliensi, cum aliis quibusdam pro amicis; quod fratri suo cedebat. Deinde et fontem ibidem erigebat artificialem, aqua e capite Elephanti marmoreo prosiliente: Et in conclavi quodam templum Neptuni: nec non in alio, gypsata marina varia. Iterumque cataractam quandam; quasi in deserto aliquo e rupe intra arboreta proruentibus undis, vi illuc adactis, et stiriarum instar deinde dependentibus: ubi in summitate rupis caput leoninum e fruticetis prominebat, admiranda venustate: pro Pro uno opere dono accipit toparchiam integram. quo opere Cardinalis dono ipsi dabat toparchiam S. Petri, Florentiam eundem porro mittens, ubi et plastica et chromatica multa elaborabat, magna cum Florentinorum etiam pictorum admiratione.
Oecum exornat.Postmodum Romam reversus Augustino Chisio in fornice quodam encarpos fingebat pulcherrimos, fructusque, et flores plasticos cum foliis tanta naturae imitatione, ut muro inserti crederentur. Pone Mercurii advolantis imaginem Priapum finxit cucurbitam tenentem cum ficis diffissis: nec non pueris, et animalibus quibusdam, et inter alia leone et Hippopotamo quodam inferne conspiciendis citra admirationem a nomine spectatis.
Elaboratis postea adhuc aliis quibusdam in Castello S. Angeli et Palatio; et Leo Papa et Raphael, Fautorum eius maximus, Vedinum abit. moriebantur: ubi cum sub Adriano opusculis quibusdam minoribus sese sustentasset Johannes, mox Roma ob pestem ingruentem penitus relicta Vedinum in patriam discedebat. Electo tamen Clemente reversus, ad illius coronationem varia; nec non cum Pierino, plastica egregia in fornice oeci veteris, cum variis animalibus perficiebat. Sed mox iterum in patriam, iterumque vocante ipsum Clemente Papa, Romam abiens, opera quaedam elaborabat, ubi praefectura
fodinarum plumbi Sebastiano collata, ipsi salarium a Camera promittebatur octoginta ducatorum: ex quo et Florentiam a Pontifice missus, et ibi aliqua formabat. Mortuo autem Pontifice, spe omni mercedis truncata Vedinum iterum abiit ad fratrem; penicillo penitus valedicturus, nisi uxore ducta et liberis susceptis aliqua et in patria pinxisset.
Tandem an. 1550. Romam iterum peregrinantis habitu devotionis causa sub viliori plebe visebat, sed ad portam Paulinam a Georgio Vassario agnitus in servitia Pii IV. Papae redibat; quo iubente ornamenta porticuum renovare cogebatur. Quo facto anno tandem 1564. aetatis 70. moriebatur, ad Raphaelem iuxta desiderium suum Inventor dicitur vaccae pictae. sepultus. Aucupio alias adeo deditus, ut et pictae vaccae ad aves alliciendas credatur inventor.
LX. JACOBUS PUN-
TORMENSIS Pictor,
LX. GIACOMO DA PUNTORMO.TAbula iconum nostrarum P. spectandus, Puntormi natus an. 1493. decimo tertio aetatis anno Florentiae in disciplinam traditus Leonhardo Vincio; et mox Mariotto Albertinello; deinde et Petri Cosmi; et tandem an. 1512. Andreae Sartorii informatione usus.
Opus eius primum.Opus primum a Jacobo proprio Marte apud Mariottum elaboratum, Annunciatio erat minori forma pro Sartore quodam facta, quod, mortuo interea hoc, penes autorem remansit, a Mariotto omnibus, qui in officinam venirent, et inter alios Raphaeli etiam ostensum, qui talem eum fore cum admiratione praedixit, qualis et factus Adiutor est Sartorii. est. Ad Andream autem Sartorium illo tempore veniebat Jacobus, cum apud Servitas historiam Philippi pingeret, quae cum vehementer ipsi placeret, tantopere mox annisus est, ut hunc tam delineatione, quam coloratione exacte imitaretur. Cumque Andreas, in templo quodam extra urbem, tabulam altaris cuiusdam parasset, postmodum corruptam; Jacobus hic non tantum partem imam tabulae supplebat, sed et in medio Christum pingebat mortuum, cum duobus Angelis candelas tenendo plorantibus, una cum Propheta quodam; quod opus sane inter tyrocinia haud est numeratum: ut Andreas semper dehinc ipsius adiutorio uteretur.
Interea cum Cardinalis Medicaeus sub nomine Leonis X. Pontifex evasisset, et Servitae inter alios insignia eiusdem fieri curarent, ubi in albario recente utrinque Fidem et Charitatem exprimi vellent, ab Andrea Cosmo Jacobus pro his figuris surrogabatur: qui annorum iam 19. a Sartorio discedebat, quamvis invito, factamque ideam