149

Orpheum facit.Post illa tempora Romam reversus, pro Cardinali Julio Mediceo Orpheum sculpebat laudatum satis: nec non pro palatio eiusdem sub monte Mario ex opere gypsato duos Colossos octo cubitorum altitudine pulcherrimos. Interea typis aeneis edebat infanticidium Herodis maiori forma, quo opere magnam assecutus est nominis sui gloriam. Deinde et ideam sepulchri pro Rege Angliae tam ligneam, quam ceream faciebat elegantissimam. Cumque interroganti Laocoontem format. Cardinali Mediceo, an Laocoonti Romano similem formare auderet, in Galliam transmittendum? meliorem se producturum respondisset, facta primum e cera, mox et e creta et carbonibus idea laudatissima, mox e marmore Laocoontis liberos formabat, prototypo quam simillimos: interrupto autem ob mortem Papae opere, Bartholomaeus cum Cardinali Florentiam redibat, quem ibidem in diagraphica informabat; donec electo Clemente VII. Romam reversus, proque coronatione, eiusdem imagine sculpta opere anaglyphico simo, accepta domo propria et salario annuo ad Laocoontem suum rediret: quem elaboratum Florentiam Papa in Palatium In ordinem equestrem elevatur. Mediceum mittebat; assumto pro hoc opere et aliis quibusdam in ordinem equestrem S. Petri, a Pontifice Bartholomaeo.

Florentiam autem reversus, Johannem pingebat in deserto, sinistra Angelum prehendentem, dextra autem ad caelum protensa; quem in officinam Patris sui collocabat in aemulationem praeceptoris sui Rustici, qui Pauli conversionem illuc pinxerat. Illudque opus non coloribus quidem, qui duriores erant, sed designatione laudatissimum Herculem sculpit. erat. Deinde et Herculem sculpebat marmoreum cum Caco in foro Florentino collocatum altitudine novem cum dimidio, et latitudine quinque cubitorum, quem etsi emendatum post positum opus, et in se multa arte nobilem, non Palatio eum donat Pontifex. tamen laudabat populus: Papa autem Clemens, ultra mercedem, Palatio quodam remunerabatur.

A Michaele Angelo contemnitur.Picto deinde pro altari quodam Christo mortuo, ipse in officina aurificis cuiusdam locata tabula immixtus populo, ut iudicium, praecipue Michaelis Angeli, audiret, cum intelligeret, eum duritiem potissimum culpare colorum, delineatione laudata; veritate agnita in posterum propria manu nihil pingere volebat amplius, adhibito iuniore quodam pictore Angelo Bigio.

Opera eius Romana.Postea Romam reversus, ideam Pontifici argillaceam perficiebat pro statuis aeneis in castello locandis, Michaelis nimirum Archangeli septem peccata mortalia

gladio occidentis. Fusisque interea et ex auro imaginibus quibusdam, ut Herculis, Veneris, Apollinis, Ledae et similibus: porro opere anaglyphico semielevato Ablationem Christi e cruce fundebat, elegantissimo labore, Carolo V. Imperatori Genuae dono oblatam, pro qua, praeter munus largissimum, in equestrem elevatus est ordinem ab Imperatore. Cumque et Principem Doriam Neptuni habitu e marmore Genuensibus efficere deberet, in foro collocandum, promissis pro opere mille coronatis; opus quidem mox inchoavit, ad finem tamen haud perduxit.

Mortuo postmodum Clemente, cum duo Florentinis Pontificibus Leoni et Clementi fabricanda essent monumenta, Romam iterum profectus, partem quandam istius laboris, sculpendarum nimirum historiarum et imaginum, vix obtinebat, conducto A statuario contemnitur. nimirum iam Alphonso quodam, ideasque satis eleganter quidem disponebat, mortuorum autem effigies non dextre satis expresserat, unde instituta desuper a Cardinalibus Cibo et Salviato deliberatione, cum a Tolesmeo quodam, sculptore etiam superbo, ignaro, quod ipse praesens esset, satis carperetur, vix tandem prosiliens eundem compescebat, a Cardinalibus monitus, ut facto contrario calumnias retunderet. Duo monumenta Papalia fabricare debet. Nihilominus parum exinde diligentior historias et imagines suas frigide satis elaborabat, lucro intentus magis, quam gloriae. Quin et residuis adhuc duobus pro imaginibus Paparum marmoribus, monitus iterum; non tantum non resipiscebat; sed obtenta etiam astu suo licentia, Florentiam abiens, ad ministeria Ducis illius sese obligabat.

Michaelis marmora frangit.Sed et hic, quod ad fabricas fontanas in viridario, nec non ad Monumentum Johannis Medicei marmoribus egere se diceret, ex invidia, varia Michaelis Angeli opera marmorea, ut et Herculem quendam Johannis Agnoli monachi cum Anteo, quasi vilioris momenti, diffringebat: factoque super monumento hoc, cum imagine dicti Johannis Medicei, initio satis enervi; nec hoc ad ultimum perducebat finem. Opera eius Florentina. Commoto autem Cosmo Duce ad opus quoddam magnificentius, Oecum quendam pulcherrimum per Julianum Baccium Agnolensem extrui curabat, pro audendis legatis exoticis, quem variis exornabat statuis, lucro maximo: quamvis inter alias ipsius Ducis iconem, omni nimirum similitudine vacuam, quasi emendaturus diffringeret, nunquam deinde restitutam. Quin et nova iterum meditatus, tandem Duci persuadebat, ut chorum et summum altare in aede S. Mariae floridae exornari curaret, ubi e marmore iterum Protoplastas formabat, cum aliis quibusdam. Sed et iterum