156
16. regentibus uno, redimebatur; penes quem per annum degens, Angelum quendam in templum candelabrum tenentem, et S. Petronium e marmore parabat; pro quo 30 Ducati ipsi numerabantur.
Florentiam redit.Reversus postea Florentiam, Cupidinem sculpebat dormientem viventis magnitudine, tanta arte, ut pro opere antiquo haberetur; quem Balthasar Milanesius Romae in Vinea sua defossum, quasi antiquum effossum rursus 200. ducatis Cardinali S. Georgii vendidisse dicebatur; iam Mantuae existentem. Quo patefacto magna cum laude Romam a Cardinali isto vocabatur Michael, ubi pro Nobili quodam Romano Jacobo Galli Cupidinem marmoreum conficiebat viventis magnitudine; nec non Bacchum decem palmos altum scyphum una manu tenentem, et in altera Tigridis pellem cum uva a Satyro iuvene degustata: quod opus erat omnium modernorum nobilissimum.
Postmodum curante Cardinali Rotomagensi magnam D. Virginis imaginem elaborabat e marmore, Christum mortuum gremio sustinentem, quae imagines vespertinae dici solent; quod opus in templo S. Petri collocatum, et carminibus ob Davidem Florentiae sculpit. venustate honorabatur, tanta arte nobile, ut incomparabile dici queat. Exhinc aucta insigniter fama eius Florentiam vocabatur, ubi e marmoris frusto novem cubitorum altitudinis, quod Simon Fesulanus quidam, quasi Gigantem hinc facturus, penitus corruperat, Davidem formabat fundam manu tenentem: ubi cum Petrus Soderinus nimiam nasi crassitiem culparet, imperite quidem, eidem tamen satisfacturus Michael, prehenso cum scalpro tantillo scopis pulvere, nasum emendare simulabat, demisso sensim ramento: quo deceptus Soderinus mire mox nasum laudabat, quasi vita donatum; solutis artifici pro elimatissimo hoc Varia opera eius. opere quadringentis coronatis. Eidem Soderino Davidem etiam ex aere fundebat Noster in Galliam missum, mira arte elaboratum: nec non pro Masckeroniis Nobilibus Belgis imaginem D. Virginis opere anaglyphico partim pleno, partim semipleno, centum coronatis repensam. Dehinc Angelo Doni civi Florentino imaginem Deiparae pingebat genibus innixam, filiolum Josepho porrigentem, adiectis subdialibus quibusdam cum imaginibus nudis variis, inventione et arte nondum hactenus visa. Quam picturam, cum omnibus numeris absoluta esset, Angelo Doni in aedes mittebat, mercedis loco 70. Ducatis postulatis: quorum loco cum parcior ille 40. mitteret, his remissis centum postulabat noster, vel imaginem sibi reddi cupiens: et repositis 70. indignatus hic imaginem
Angelo non concedebat, nisi numerato In magno oeco Florentiae laborat.altero tanto.
Cumque in magno curiae Oeco pingendo tunc occuparetur Leonhardus Vincius, perspecta Michaelis arte, Petrus Soderinus et huic partem quandam Oeci istius pingendam committebat, qui confecta idea bellum Pisanum exhibiturus, multos milites nudos proiciebat in Arno animi causa natantes, sed dato in castris ad arma signo varie ex aqua prorepentes, cumque festinatione vestibus armisque sese obruentes, inter quos senior quidam foliorum gyris umbram capiti faciens, tibiale induturus erat, ob humidos pedes multa usus violentia: quibus omnibus e longinquo adiecerat proelium equestre; opere monochromatico nigro, cerussa lumine lineis decussatis umbra facta. Haec idea chartacea cum magna omnium graphicophilorum admiratione in oeco publice exponebatur, unde iuniores pictoriae tyrones apographa faciebant tanquam ab exemplari perfectissimo.
Romam vocatur.Interea magna Michaelis fama commotus Julius II. Pontifex Romam eundem vocabat, ad construendum sibi monumentum antiquis omnibus splendidius: pro quo Michael quadraginta statuas maiores marmoreas, cum pueris, historiis, aliisque ornamentis variis facturus erat; profectus et Carraram ad coemenda pro mille coronatis marmora; relictis ibidem in fodinis etiam monumentis quibusdam nominis sui; marmorum autem dimidia parte Romam, et medietate altera pro laboribus aestivis ob Romani aeris incommoda Florentiam missa. Inchoato igitur opere duas sculpebat imagines nudas maiores captivorum, quibus meliores nunquam sunt visae, in Galliam dehinc transmissas. Quibus adhuc octo addebat Romae Opera eius Romana alia.et quinque Florentiae factas, inter quas Victoria quaedam in Oeco deinde Ducali posita. His Romae et Mosen quendam adiungebat quinque cubitorum altitudine, una manu ad tabulam, altera ad barbam applicita sedentem, arte incurabili: qui cum aliis adhuc existit ad S. Petrum in vinculis.
Cumque interea Romam et reliqua pro monumento afferrentur marmora, poscentibusque pretium portitoribus, more solito Papae id nunciaturus esset Michael, eodem autem occupato domum reversus de proprio soluto marmore, alia die aulam repeteret, repulsam iterum passus, ex indignatione noctu Florentiam cum veredario Pontificem deserit. abibat; acceptis etiam Pogibontii quinque mandatis de reditu, non tamen parens, sed per literas Pontifici nuncians: se repulsum quasi ob scelus, quamvis fideli servitio haud commeritum, faciem eius non visurum amplius; Florentiam abibat: