166
TITIANI,
Frater et Filius:
TINTORETUS,
et Filia eius:
et
PAULUS VERONENSIS.
LXIX. FRANCISCUS UCCELLUS pictor, Titiani frater: miles primo; opera eius; invidia fratris a pictoria abstrahitur. LXX. HORATIUS UCCELLIUS, Titiani filius, pictor. Iconibus artifex; Opera eius. Romam venit. Chymiae operam dat. LXXI. JACOBUS TINTORETUS pictor Venetus: rarus est et ingeniosus novis inventis. Certando pingit cum Paulo Veronensi et Horatio Uccellio. Excommunicationem Imperatoris Friderici Barbarossae pingit. Xenodochium item et alia opera in templum S. Rochi. Opera eius in templo S. Mariae de horto. Iudicium extremum, et alia in templis variis, Opera eius in Schola S. Marci de rebus gestis Marci. Tintoretus expeditior erat picturis suis, quam alii suis delineationibus. Crucifixionem Christi pingit ad S. Rochum. Opera eius alia. Anno aetatis 82. moritur; Epitaphium eius. LXXII. MARIETTA TINTORETTA, Tintoretti filia pictrix, iconibus potissimum celebris; 30. aetatis anno moritur. LXXIII. PAULUS CALIARIUS VERONENSIS pictor: Venetias venit: Opera eius hoc loco facta. Prandium Christi apud Simonem. Opera eius in curia Decemvirorum. Pictura Musices pictores Venetos omnes superat. Opera eius Veronensia ad S. Nazarium; Maria Magdalena ad pedes Domini. Quem locum in picturis habere debent scenographia et Architectura. Paulus Romam venit; iterumque Venetias abit. Varia pingit in oecum Curiae Decemvirorum et Veronae. Martyrium S. Afrae Brixiae. Opera eius Viennae, Turini, Mantuae, Artemini; Mutinae, Romae, Londini, Parisiis, Venetiis et Amstelredami facta. Alia Venetiis, Antverpiae, et in domo familiae Caliariae: ad studia sua utitur typis aeneis Alberti Düreri, et Parmensis. Ad artem pervenit aemulatione cum Titiano et Tintoreto; Comparatio Tintoreti et Pauli. Virtutes Pauli: a Titiano honoratur. In Hispaniam vocatur, illuc non abit. Apophthegmata eius; Mors eius; Sepultura et Epitaphia.
LXIX. FRANCISCUS
UCCELLIUS pictor, Ti-
tiani frater,
LXIX. FRANCISCO UCCELLI.MIlitiam secutus iuvenilibus annis; exorta pace, in Italia Venetias ad fratrem abiens varia ibidem pingebat. Opera eius. Patribus enim ad S. Salvatorem in alis organi depingebat S. Theodorum armatum, labarum et scutum tenentem cum insignibus albae crucis, cui angelus quidam palmam porrigit; opus, quod primo a Georgione factum videtur: ab altero latere S. Augustinum cum Canonicis quibusdam: intrinsecus autem transfigurationem Christi; cum eiusdem resurrectione. Praeterea tria pingebat vexilla maiora, diebus festis exponi solita: nec non pro Schola aegrorum Imaginem Deiparae, aliquot istius Societatis fratres pallio suo protegentis: et pro templo S. Eustachii aliud quid.
Oriagi ad Brentam cum admiratione spectari
potest altare magnum illius templi, resuscitatum Dominum exhibens cum Maria Magdalena ad pedes eius sedente, quod opus est multa laude dignum; in quo sub rupe excavata angeli, ad sepulchrum, et e longinquo tractus campestris amoenissimus. In Campo S. Petri in Patavino templo sc. Discalceatorum Ludovicum pium pingebat Galliarum Regem cum pallio panni Attalici lemniscis varie ornati, una cum Johanne Baptista, nec non Evangelista et Virgine matre, atque Angelo nomen Jesu tenente. Orgarone in districtu Cadorensi S. Hieronymum, aliumque ad S. Vitum pingebat; cum pluribus aliis.
Invidia fratris a pictoria abstrahitur.Titianus ergo tanta fratris arte perspecta, superatum iri se metuens, eundem ad Artem Arculariam applicabat, consecutus pro eodem a Ferdinando Rege, nec non a Romanis, ob praestita servitia varia, immunitates quorundam vectigalium, ut Franciscus aliis negotiis detentus a pictoria plane quasi abstineret: factis saltem pro amicis quibusdam interdum delineationibus. Ubi dolendum omnino, quod tanta sit invidiae et honoris commodique