169

Eas tempus, licet vorax, merito suspici-
ens servabit,
Fama collocabit in templo immortali-
tatis,
Ad aeviternum picturae, orbisque ornamen-
tum.
Lector
Tanto Viro
Bene adprecare, Tum felix abito.

Iconem autem ipsius in tabula nostra R. spectandam exhibuimus:

LXXII. MARIETTA
TINTORETTA, Tinto-
retti filia;

LXXII. MARIETTA TINTORETTA.AD exemplum Timaretes, Irenes, Marsiae, Aristaretes ex antiquioribus; nostris autem temporibus Laviniae, Fontanae et Irenes Spilimbergicae pictoriae cultrix nata Venetiis, educata a patre in tenella aetate sub habitu virili, et ab eodem non ad Musices tantum tam vocalis quam instrumentalis exercitia applicita, sed et in pictura Iconibus celebris. informata; icones praecipue pingebat ad veritatem quam proxime accedentes: prout et effigies quaedam Marci cuiusdam Episcopi cum barba prolixa in domo Tintoretti, una cum icone filioli eius Petri illius manu facta adhuc asservatur. Icones autem faciebat plurimarum Venetiis feminarum, ut et virorum; et inter alia iconem Jacobi Stradae summi aulae praefecti Imperatoris Maximiliani, quam tanquam opus rarissimum Imperatori dono obtulit: unde confestim et Philippi II. Hispaniarum Regis et Ferdinandi Archiducis icones ipsi faciendae erant. Nubebat autem, volente sic patre, Germano cuidam, cui Gioitiero nomen, ut tamen cum patre maneret, qui tenero eandem fovebat amore. Sed et alia pingebat pulcherrima inventione, multis factis iconibus pro coniugis sui amicis et familiaribus, qui aurifices, quarum aliquas ipse vidi. Ceterum felicissimi erat ingenii ad instar Patris, viridi adhuc iuventa 30. aetatis anno moritur. anno aetatis 30. Christi 1590. mortua, et in templo S. Mariae hortensis sepulta, multum dolente Patre. Cuius iconem in exemplum ideamque omnium feminarum, tabula nostra R. exhibuimus.

LXXIII. PAULUS CA-
LIARIUS Veronensis
pictor,

LXXIII. PAOLO CALIARII.CUm Urbes Longobardicae, Florentiae et Romae in arte pictoria praevalere inciperent, Veronae nascebatur Paulus (in iuventute Paulinus appellatus,) Patre Laotomo; Venetias venit. discipulus primo Veronae Johannis Caroli, deinde Venetias digressus in societate cuiusdam

Johannis Baptistae Veronensis, quaedam Opera eius. pingebat magno iudicio. Inter alia autem Masierae, haud procul Asolo in Marca Tarvisiana pulcherrimum Palatium Danielis Barbari Patriarchae Aquileiensis pinxit: et in monasterio S. Nazarii extra Veronam in magno linteo cenam Simonis leprosi, cum proiecta ad pedes Domini Maria Magdalena insertis multis iconibus, nec non opere quodam scenographico, et duobus sub mensa canibus quasi naturalibus; e longinquo autem claudis quibusdam magna arte expressis, cuius operis a Ridolfo equite factum est apographum, in Flandriam missum. Venetiis autem in oeco quodam curiae Decemviralis super medio fornice in plano maiore elliptico depictus ab ipso est Jupiter vitia proscribens. In templo etiam S. Sebastiani testudinem similiter pinxit opere pulcherrimo; nec non altaris tabulam in sacello maiori, cum pluribus aliis, ut et organi alas decore insigni. In oeco curiae magnae magno opere pingebat Fridericum Barbarossam in conspectum Pontificis venientem, ubi pompa tam Imperatoris, quam Pontificis et Magistratus Veneti, magnifice expressa est, cum insertis iconibus Senatorum et Nobilium Venetorum quam plurimis.

Ad S. Georgium Maiorem, quod est coenobium Benedictinorum prope Venetias in fine Refectorii, nuptias pingebat Canae in Galilaea celebratas opere admirando, non quantitate saltem, sed et imaginum copia, cum plus quam centum et quinquaginta facies ibi numerentur; et vestium varietate, et inventione et colorum usu spectabili.

Pictores Venetos vincit.Pro Antistitibus etiam S. Marci certando cum aliis in Bibliotheca Nicena, a Cardinali Bessarione magno Graecorum Librorum thesauro ditata, Musicam pingebat, sive tres virgines pulcherrimas, quorum una Viola pedum; altera chely ludit; tertia e libro cantat; ludente cum illis clavichordio Cupidine, et fistula Pane. His alio loco appinxerat Arithmeticam, cum antiquis quibusdam Philosophis: et Honorem, cui throno insidenti sacra fiunt et coronae regales imponuntur, quae omnia anno iam aetatis suae trigesimo secundo efficiebat, palmam promeritus iudicio omnium; et torque aureo propterea muneratus.

Dehinc Venetiis etiam ad S. Paulum pulcherrimo opere ab ipso depictus est Christus cum publicanis conversatus, a Johanne Sanredamo typis aeneis vulgatus. Et in templo Crucigerorum in Sacello ad dextram altaris pastores Christum adorantes, Opera eius Veronensia. mendicante interea fascias matre. Profectus autem in patriam visitandorum parentum gratia, Convivium illud Simonis pro Patribus S. Nazarii pingebat, supra descriptum;