178
XIII. pingeretur, quod negotium Boncompagnio, Nicolao Pomorantio, et Ignatio Monacho commissum erat, qui iuvenes varios pro hoc opere sustentarent, ipse tandem a Pomorantio id etiam obtinebat, ut cum aliis assumeretur, ubi pictis primo in Insignia Papalia Draconibus quibusdam, deinde inter ornamenta larvatura quadam, tandem ad historias admittebatur, ubi tanta hinc inde prodebat artis specimina, ut et salario aucto, labores plures ipsi committerentur.
In Capitolio.Paulo post a Senatu Romano ad pingendum opus quoddam in Capitolio conductus arrha centum coronatorum aureorum, primo historiam pingebat Romuli et Remi ad ubera Lupae lactentium; mox et proelium quoddam picturus, nisi iussu Clementis Alibi. VIII. Pontificis ad S. Johannem Lateranensem in Sacello quodam ad fontem Constantini duo opera maiora colore oleario pingenda ipsi fuissent, historia nempe S. Johannis, venenum bibentis; et iterum, superstite adhuc vita sepulchro impositi. Deinde et pro Archiducissa Graecensi, Matre Regis Hispaniae, opus aliud colore oleario pingebat, de Maria nimirum iuvencula in templum delata. Postea autem ad servitia Cardinalis Aldobrandini assumtus, eidem Christum quendam mortuum pingebat, ab Angelis detentum.
Opera Ferrariensia.Profecto interea Ferrariam Pontifice ad occupandum haereditario iure Ducatum illum, Josepho simul illuc abeundum erat, ubi tres oleario colore in laminis cupreis elaborabat picturas; cumque interea et Albertus Dux cum Hispaniarum Rege illuc veniret ad nuptias celebrandas, Pontifex istarum unam, quae Georgium continebat cum Dracone pugnantem, Duci, alteram Reginae matri; tertiam Regi donabat. Reverso Romam Pontifici, cum Regina Mater oratoria quaedam e coralliis rubeis, pomulis aureis intermixtis mitteret, unum hic Josepho dedisse dicitur, quod illius Reginae donum esset, quae ipsius picturam obtinuisset. Magna enim cum Josepho usus esse familiaritate dicitur Pontifex iste; ut et accepta aliquando a Mercatore quodam Batavo cerevisia, propina verit eidem vitrum, imo non placente huic potu, reliquum ipse ebiberit.
Idem Pontifex cum pro Iubilaeo templum S. Johannis Lateranensis renovari vellet, Josephum hunc istius operis constituebat Directorem, donatum mille coronatis, cum ducentis aliis, quibus operariis In ordinem equestrem evehitur. mercedem solveret. Incepto hoc opere consulentibus quibusdam, a Cardinali Aldobrandino gratiam quandam petebat, missusque ad Pontificem, ab hoc, in ordinem equestrem S. Petri receptus, torque aureo munerabatur, sexies corpus cingente cum icone Papali in numismate aureo,
ex uno latere existente, altero cruce ornata palma et lauro insignito. Hoc igitur opere in albario recente planum ingens ad altare spectans historia ascensionis Domini exornabat noster cum Apostolis Templum S. Johann. Lateran. renovat. et duobus angelis viventium statura longe maioribus. Mox autem morbo gravatus Josephi, magno Pontificis maerore, non tantum proprio istius Medico curabatur, sed oleo etiam ab eodem misso retiosissimo, quod oleum Magni Ducis vocabatur, cuius unica uncia multis coronatis emebatur, quo totum eius corpus ungendum erat: quod etiam fiebat amico cuidam ipsius Belgae, Floridi a Dyk: praeterea centum coronatis ipsum donabat Pontifex pro maiori recreatione. Sanitati igitur restitutus historiam suam absolvebat maxima cum laude. Eodemque tempore et Bernhardinus frater eius in eodem templo historiam quandam pingebat opere satis eleganti.
Opera eius alia.Inter alia et porticum pingebat noster pro nobili quodam Romano, ad quam iste Fridericum Zuccherum conduxerat propria manu pingendam; quem tamen cum et discipulum aliquando ad opus admisisset, statim dimiserat. Hic Cupidinem alicubi pingebat, Pana subigentem, quasi dicturus, Amorem quandoque vincere naturam, quod Jacobus Matthamus aeneo edidit typo. Dehinc etiam opus Capitolii consummavit; cumque in tela Proelium quoddam pinxisset, pro idea huius laboris hanc solam quidam quingentis coronatis Lutetiam venit. licitabatur. Anno 1600. etiam Parisiis in Gallia fuit cum Cardinali Aldobrandino, cum Henricus IV. cum amita Ducis Florentini matrimonium iniret; quid autem ibidem pinxerit, me latet. Romam autem redux, morte sua magnos porro fecit progressus, multis cumulatus a Pontifice aliisque pro merito muneribus. Effigiem autem ipsius tabula nostra S. expressimus.
LXXXI. AUGUSTINUS,
LUDOVICUS et ANNIBAL CA-
RACCII Pictores Bononien-
ses;
LXXXI. AGOSTINO, LUDOVICO et ANNIBAL CARACCIO.INventione, diagraphica, colorumque usu tam oleariorum, quam ad recens albarium incomparabiles aetate sua, picturisque maioribus et minoribus, subdialibus etiam et chalcographico tam caelato quam exeso opere celeberrimi, ab aliis non descripti, meaque aetate Romae iam mortui, sed ex discipulorum relatu a me non praetereundi, Cremonenses erant patria, inter quos Augustinus natu maior et consobrinus erat reliquorum fratrum, eorundemque anteambulo; quamvis ipse Chalcographiae