197

autem magnum illud ,nullaque laude satis decantatum opus Tintoreti de crucifixione Christi cum omnibus circumstantiis egregie elaboratum.

ANNIBAL CARAZZ.Quin et ipse ANNIBAL imagines quasdam D. Virginis dimidiatas ab anno 1591. usque ad 1606. aere roso expressit, inter quae Magdalena poenitens; S. Hieronymus cum Josepho in libro legente: imago Deiparae cum S. Barbara; cumque filiolo Johanni e patera potum praebente, et ob avem quandam extimescente: dehinc Maria legens, cum filiolo, Johanni aviculam e manu tollente, scalpenti propterea caput: iterum nativitas Christi minori forma: imago Mariae venustissima gremio filiolum tenens. Item Venus nuda dormiens, quam Satyrus denudat: item Desponsatio Christi cum S. Catharina. Jesulo et Johannis amplexus: imago D. Virginis cum filiolo ad Angelorum chorum. S. Rochus eleemosynas pauperibus distribuens. Fuga in Aegyptum, ubi asino pabulum praebet angelus. Imago D. Virginis in caelo. Johannes Baptista Jesulo agnum offerens. Ablatio Christi a cruce minori forma oblonga; in qua caput Domini in gremio matris quiescit synopizantis, cum Johanne, Magdalena et aliis mulieribus. Quae omnia opera sunt multa laude digna.

Eundem secutus est praestantissimus ille FREDERICO BAROTIO. FRIDERICUS BAROTIUS, qui propria inventione pauca quidem elaboravit, sed cum rem ipsam optime intelligeret, aere roso tamen edidit folium aliquod maius, ubi Christus in caelo, iuxta matrem suam. S. Nicolaus autem in terra stans Francisco in genua prolapso benedictionem impertit: Item eadem forma salutationem Angelicam ab Angelo in genua prolapso factam: nec non imaginem D. Virginis cum filiolo utroque brachio detento, cum aliis.

VENTURA SALIMBEN.Sic Senis erat celebris ille VENTURA SALIMBENUS, qui elegantissima varia aere expressit, inter quae ichnographia totius Urbis Senensis: item vita S. Catharinae Senensis: quae etiam in libello quodam alio exhibita est, folio dimidiato triginta foliis, cum pluribus aliis. ANTONIO TEMPEST. Hunc porro sequebatur ANTONIUS TEMPESTAS Florentinus, inventione et diagraphica promtissimus: quiaere roso edidit venationes varias, quae magis ad naturam accedere non possent: nec non septem mundi miracula: item proelia Julii Caesaris, et Alexandri M. Figuras biblicas omnes: Orlandum furiosum: Tacitum: librum peculiarem de equis: Eremitas: duodecim Imperatores Romanorum in equis; cum maioribus aliis operibus

celeberrimis: inter quae ichnographia totius Urbis Romae octo foliis maioribus edita tanta perfectione, ut omnes aedes, plateae et alia notorie conspici queant; mira enim cum promtitudine pollebat laboriositate.

GUIDO BOLOGNESE.Eodem modo et GUIDO BONONIENSIS imagines D. Virginis septem vel octo; S. Hieronymi duas: item Martem et Apollinem: Angelum Custodem: Picturam: D. Virginem cum S. Anna; eandem iterum bis cum Josepho: Michaelem Archangelum cum aliis sua manu pictis pluribus edidit. Quod et fecit Quarcinus de Cento.

GIOANN BENEDET CASTILIONE.Deinde exurgens JOHANNES BENEDICTUS CASTILIONEUS Genuensis, aere roso multas picturarum suarum publicabat: inter quas Diogenes lucerna homines quaerens: Christus Lazarum suscitans: Silenus ad fontem cum fistula, ludente cymbalis puella pastorali, cum adiunctis ruinis, vasis antiquis, statuisque et aliis foliorum plexu inductis. Deinde Circe aperto inter ruinas noctu sepulchro quodam ad facem arma Achillis inveniens. Item subterranea varia, ut aedificia, statuae, monumenta, cum inscriptionibus: ut Temporalis aeternitas. Item: Nec sepulchrae legens vereor, ne perdam memoriam. Sic Fugain Aegyptum Maria in asino sedente comitante Josepho et aliis.

PIETRO TESTA.Deinde PETRUS TESTA Lucanus prodibat, qui meo tempore, cum statuas antiquas Pinacothecae Justinianeae typis aeneis editurus essem, et propterea Cornelium Blomartum, Theodorum Matthamum, et Renierum Persinum e Belgio vocassem, adsumto etiam Michaele Natali, caelatoriam ab illis discere, eosque iuvare volebat: quod autem caeli usus difficilior ipsi videretur, aggressus Chalcographiam rosoriam, primo opere edebat Lycaeum Picturae, quo integram Scholam tam Theoreticam quam Prasticam, insigni figurarum ingeniosissimarum multitudine egregie proposuit. Deinde Christum mortuum ab Angelis per nubes delatum, misso a Patre in Judaeos vindictae telo. Achillem deinde currui alligatum Hectora circa Troiam trahentem. Item Plutonem, rapta Proserpina, inferos petentem. Didonis necem etc. Celeberrima autem ipsius opera sunt quattuor anni tempora, inventione rarissima egregie expressa.

STEPH. DE LA BELLA.Eidem haud absimilis fuit STEPHANUS LABELLIUS, cubicularius Ducis Florentini, qui varia Alabandaea, Foliorum Gyros, Arma, ornamenta, imagines, subdialia, Vasa et alia rariora animalibus ingeniose condecorata edidit: cuius iconem tabula PP. expressimus.