201
JOHANNES ET HUBERTUS ab EYK,
cum sex Artificibus aliis.
I. JOHANNES ET HUBERTUS ab EYK, fratres pictores Maseicenses. Nativitas Johannis: cuius etiam Soror pictoriae arti operam dedit. Brugas venit. Vernicem reperit pro coloribus glutine atque ovo subactis. Colores oleo tritos invenit. Opus eorum Gandavense. Cuius apographum fieri iubet Philippus Rex. Unde caeruleus ille color constantissimus fiat. Varia eius opera. Epitaphium eius. Mors et sculptura Huberti fratris eius. II. ROGERIUS Pictor Brugensis. III. HUGO de GOES, pictor. Opera eius Gandavensia in templo S. Jacobi, Artifices quidam alii vetustiores optimi, Israel Mechliniensis; Martinus Schonius. Johannes Memmelingus; Johannes de Hemsen; Johannes Mandinus; Johannes parvus; Johannes Cransee; Lambertus Ortensis; Petrus Bomius. IV. ALBERTUS VETERAQUENSIS pictor Harlemensis. Opus eius. V. GERHARDUS Harlemensis ad S. Johannis. Opus eius in templo S. Johannis. VI. DIETERICUS Harlemensis pictor, diu ante Alberti Düreri tempora vixit. VII. ROGERIUS WEIDENSIS pictor Bruxellensis. Opera eius Bruxellana. VIII. JACOBUS CORNELII pictor Ostsanensis: Opera eius.
I. JOHANNES ET HU-
BERTUS ab EYK fratres
pictores,
I. JOHANNES ET HUBERTUS ab EYK fratres pictores Maseicenses.PRae omnibus Arni, Padique, nec non Tyberis accolis summa laude evehendi; et inprimis Johannes, a quo ipsa Italia perfectissimam artis nostrae consummationem addiscere coacta fuit. Nativitas Johannis.Hic sol pictorum fama fulgidissimus, Maseici ad Mosam ortus est circa annum Christi 1370. cum compertum sit, fratrem eius Hubertum aliquot annis natu maiorem anno 1366. in lucem editum esse. Parentes eius quidem ignorantur, quod laudem tamen artificis nostri mirum in modum confirmat, cuius industria, familia haec in se obscura alias, ad magnam tamen nominis claritatem elevata est. Ipsum tamen caelum domui huic singularem instillasse videtur ad laudatissimam hanc artem inclinationem, cum non tantum frater eius Hubertus eandem cum laude professus Cuius etiam soror pictoriae arti operam dedit. sit, sed et soror utriusque Margareta eadem claruisse dicatur, quae coelebs immaculata virginitate servata, ultimum suum obiit diem.
Vix ex ephebis excesserat puer hic, cum magna iam alacritas ingenii eius, et singularis ad artem diagraphicam pronitas, quasi natura stimulante, ex ipso elucesceret: Quis autem fuerit Praeceptor eius, oblivionis peplo involutum remansit; quamvis credibile sit, ipsum vel fratris Huberti informatione usum, vel ipsum quoque patrem eius forte haud leviter in arte hac progressum fuisse. Certissimum tamen est, terrae
illius adhuc satis incultae incolas haud nimium politos pictoribus tum non abundasse: quamvis modus ille anno 1250. a Johanne Cimabue Florentino adhibitus, coloribus nempe glutine et ovis permixtis pingendi etiam extra Italiam fuerit usitatus, cum multa hoc modo ab Huberto et Johanne confecta opera, antequam scilicet meliorem adinvenissent methodum, vel hodierno die adhuc extent.
Brugas venit.Cum autem Brugae, nobilissima tum Flandriae urbs, ob insignem commerciorum frequentiam divitiis prae ceteris abundarent, eadem bonarum artium nutrice et Johannes noster e patria sua hunc in locum alliciebatur, ubi per varia opera sua, arte plurima colore ovario vel glutinario in tabulis ligneis depicta magnam confestim acquirebat nominis celebritatem. Et quia picturae eius a mercatoribus in alias quoque urbes transportabantur, famaeque eius torrens hoc modo per varias diffluebat provincias, ipse pro amplianda nominis sui gloria, cum prudentia polleret insigni, Vernicem invenit pro coloribus glutine atque ovo subactis. ingenioque novarum semper inventionum feracissimo, Alchymiae opera varios examinabat colores atque vernices, tandemque pro coloribus suis ovariis et glutinariis vernicis quoddam genus inveniebat, quod fautoribus artis ob insignem, quem picturis conciliabat, splendorem mirum in modum placebat: cui imitando multum quidem insudarunt Itali, ita tamen, ut in venti huius gloriam artifici nostro laudem concedere cogerentur.
Cum autem exposita aliquando ad siccandum solaribus radiis tabula quadam, vernice hac imbuta, nescio quam ab rationem colores picturae prae nimio diffluerent