209

constituit, sed et una cum tabernaculo Sacramentario, altare, et in isto cenam Domini multa arte effiguravit, in qua icones praecipuorum illius temporis Senatorum; quales erant Gabriel Nutzelius; et Hieronymus Schurstabius, ambo Collectarum praefecti: item Paulus Volkamer; Ulmannus Stromer; Antonius Tucher; Marquardus Mendel et Conradus Im Hof; Petrus Rieter; Johannes Harsdorfer; Stephanus Volkamer; Sethus Pfinzing, et Heinricus Wolff. Extra hoc templum autem iuxta officinam Bonackeriam, supra monumentum Sebaldi Schreyeri, cuius etiam liberalitate opus modo descriptum elaboratum fuit, sepulturam Christi confecit arte maxima spectabilem.

Praeterea aedes Andreae Im Hof ad templum S. Laurentii ornamentis variis pulcherrimis, et imaginibus ex argilla usta plasmatis, condecoravit. Aedes Gabrielis Brommeri salutatione angelica gratiosissime exornavit. In foro ad oecum D. Virginis historiam Passionis vespertinam ornamentis pulcherrimis inclusit. Adaedes Hieronymi Baumgartneri in platea Aegidiana S. Georgium equitem finxit. In Porticibus monasteriorum S. Aegidii et Augustini varia opuscula minora effecit. Ante portam Therotrophii septem quos vocant lapsus Christi usque ad Calvariae montem, el apide sculpsit usque ad Sacellum S. Johannis, ubi etiam crucem illam magnam cum duobus latronibus; prout et imagines iuxta et ante crucem, una cum sepultura in sacello formavit: ut alia opera artificiosissima plurima, quibus gloriantur Norinbergenses, sicco iam pede praeteream. In perpetuam autem honoratissimae eius memoriae gloriam iconem eius tabula nostra Aa. exhibuimus.

XIII. PETRUS FISCHER
Senior, Norinbergensis.

XIII PETRUS FISCHER Senior.COmmuniter fusor aeris dictus, faber aerarius artificiosissimus, prout et diagraphices et scientiae rerum naturalium peritissimus fuit: cumque comis insimul esset alloquio, vix aliquis magnatum vel artis

fautorum Norinbergam veniebat, qui eundem in officina sua fusoria non visitaret, unde operum eius magna pars in Poloniam, Bohemiam, et Hungariam transportata fuit, praeter ea, quae apud Electores et Principes Germaniae inveniuntur: quemadmodum ipse quoque cancellos illos artificiosos, qui adhuc in curia Norinbergensi extant, primo pro Fuggeris Augustanis fudit.

Opus eius monumentum templi S. Sebaldi.Sufficientissimum autem praestantiae eius testimonium praebere potest Monumentum illud aeneum in templo S. Sebaldi Norimbergensi, quod anno 1506. inchoatum, et anno 1519. 19. Julii consummatum et collocatum fuit. Opus illud universum pondus habet centum et viginti centenariorum et quattuordecim pondo; pro quo tamen mercedem habuit satis exiguam, nimirum pro centenario viginti florenos, ut adeo pro toto opere bis mille quadringentos et duos florenos, cum quadraginta octo crucigeris acceperit. Citra admirationem autem spectari non possunt statuae duodecim Apostolorum, aliaeque figurae partim rotunda partim sima fusura copiosissimae, tam accurata fusae industria, ut ulteriore politura non fuerit opus, sed omnia, prout ex officina prodierunt, erecta sint: eaque omnia non iuxta veterem Germanorum modum effigurata sunt; sed tanta undiquaque ex illis elucet alacritas ingenii, et inveniendi subtilitas, ut labor iste ad summum merito celebritatis cacumen Fischerum nostrum evexerit, inter nobilissimos omnium temporum fictores connumerandum.

Diu autem in Italia et Romae fuit, et ex illustri hac Academia redux Norinbergae rem instituit familiarem; fructusque istos peregrinationis suae rarissimos protulit. Adiutores ipsius fuerunt quinque eius filii, matrimonio omnes firmati, Petrus sc. Hermannus, Johannes, Paulus et Jacobus, qui omnes cum uxoribus et liberis in aedibus eius habitarunt, et laborum ipsius fuerunt socii. In hoc monumento ipse quoque iconem suam alicubi exhibuit, laboranti nimirum in officina sua similem, cuius apographum in tabula nostra Aa. spectare licet.