305

pretio: ibidemque hic noster vitam quoque cum morte commutavit.

CLXXVII. ADRIANUS NEU-
LAND

CLXXVII. ADRIAN NEULAND.PAtria Antverpianus erat; Amstelodami autem larem fixerat, ubi historias Biblicas figurasque similes pinxit plurimas.

CLXXVIII. BONAVENTURA
PETRI

CLXXVIII. BONAVENTURA PETRI.PEritissimus erat in effigurandis Oceano, navibusque bellicis, et aliis instrumentis similibus, naviumque adminiculatoriarum generibus; nec non littoribus marinis, proeliis navalibus, piscationibus et id genus aliis, una cum tractibus littoralibus: vixitque haud exigua ob ista celebris fama Antverpiae circa Annum 1650.

CLXXIX. FRANCISCUS
WAUTER

CLXXIX. FRANCISCUS WAUTER.ANtverpiensis, in exhibendis minori forma historiis et rebus gestis, et nudis praecipue corporibus multa prodebat arte ingenium suum.

CLXXX. PETRUS SAUDTMAN-
NUS Harlemensis,

CLXXX. PETRUS SAUDTMANN.MAgnas pingebat imagines; et aere roso multa publicabat, praesertim icones Celsissimae Domus Auriacae; aliasque similes. Antehac autem in servitiis Regis Poloniae fuerat.

CLXXXI. DAVID BECKIUS

CLXXXI. DAVID BECK.DElphensium Urbi in Hollandia ortum debebat: cumque in arte sua peritissimus esset, picturis iconicis Reginae Suecorum praeficiebatur; in cuius etiam servitiis Romae diu persistebat, donec in patria sua animam efflaret.

CLXXXII. JACOBUS FOQUIE-
RIUS Gallo-Belga

CLXXXII JACOB FOQUIERS.IN Flandria nimirum occidentali natus ex optima familia; celebris potissimum erat in subdialibus maioribus, arboribus scilicet naturali quasi mole expressis, aquis stagnantibus, petris, rupibus, montibus, silvis altioribus, frondibus, herbis, fundisque remotis; quae omnia tanto elaborabat ingenio, tantaque artis sollicitudine, ut coaetaneum neminem haberet similem, sive pingendi modum pulcherrimum, sive ingenii vires consideres exquisitissimas: unde admiranda quoque tam in Belgio, quam in aula Electorali Palatina horum omnium post se reliquit monumenta. Adde quod et Parisiis apud Graphicophilos in maximo habitus fuerit honore, et Rubenio quoque arte sua per multos annos in megalographicis eius auxiliatrices porrexerit manus.

CLXXXIII. WILHELMUS DE HUND-
HORST Ultraiectensis,

CLXXXIII WILHELM de HUNDHORST.GErhardi Hundhorstii frater, insignis erat magnarum historiarum pictor, nec minus etiam in assimilandis picturis iconicis excellebat; unde etiam e patria Ultraiecto Berolinum evocatus, totam familiam Electoralem effigiebus praeclarissimis exhibuit; quam ob causam, postquam tam in aula illa, quam in urbe laude innotuisset plurima, stabilem ibi fixisse sedem, et quantum mihi relatum est, ibidem adhuc in magna satis autoritate versari dicitur.

CLXXXIV. PETRUS de LAER,
alias Bambotius Harlemensis,

CLXXXIV. PETRUS LAER alias Bambotsio.INter varios Belgii et Harlemensis praesertim Urbis artifices haud minimus; parentibus notae optimae natus, et honestisima educatione pro civitatis illius more elevatus, post primos statim infantiae Opuscula eius iuvenilia. annos, cum ad studia applicaretur, singularem ad artem hanc pingendi pronitatem in sese persentiscens figuras minutas varias, subdialia, aedificia, animalia omnis generis, et quotidiana similia; nec non venationes, campos, vias regias, tuguria, horrea, diversoria, ruinas veteres et muros collapsos, carceres, conclavia, nationes varias, earumque vivendi genus; diversa anni tempora, diei horas, solem matutinum, meridianum et vespertinum pingere Memoria eius optima. solebat: quae omnia nudo aspectu tam profunde imbibere poterat, ut, quamvis multo tempore ante conspecta, penicillo tamen in tabella unius digiti magnitudine quam perfectissime exhiberet, e viva scilicet memoria, et quidem cum singulari ipsorum quoque affectuum expressione.

Hoc igitur ad artem nostram amore ulterius promotus, ex Urbe patria in Galliam, et porro Romam abibat, ubi sedecim annos magna cum laude perseverabat, propagata semper ut studiorum solertia, sic famae Modus eius pingendis. quoque gloria continua. Quamvis enim, qui picturis operam dant parvis, accuratiores artis regulas in dispositione sua non semper observent, nec in ordinando dividendoque picturae fundo ad axiomata ubivis optica respiciant, sed eleganti imaginum suarum situatione contenti sint: hic tamen opuscula sua minuta eadem tractavit methodo, qua alii prudentiores in tabulis suis utuntur maximis, ut et pavimentorum observaret prospectus, diviso quam correctissime fundo, praefixo immutabiliter Horizonte, et dimensurata quavis picturae parte, ut et colorum proportionem, viresque iuxta regulas dimetiretur: eaque proprio Marte omnia, non adhibita figurarum chalcographicarum ope. Quamvis enim et iuxta nativa quandoque exemplaria quaedam effiguraret, in ipsis tamen picturis suis non nisi ingenio fidens atque