309
BRAEMERUS. CXCIX. JOHANNES CASSIERIUS. CC. DAVID BALLIUS. CCI. HERMANNUS SACHTLIEVEN. CCII. DANIEL de HEEL. CCIII. JACOBUS ARTESIUS. CCIV. PETRUS de LINT. CCV. DAVID RICHARTUS. CCVI. HERMANNUS SCHWANENFELD Wurdensis. Quanti aestimanda sit peritia pingendarum imaginum humanarum. CCVII. GELDORPIUS Londinensis. De pictura gummata in membranis. CCVIII. OLIVIRIUS Londinensis pictor membranarum. CCIX. N. KEUPER. CCX. LUDOVICUS HERING, Pragensis. CCXI. JOHANNES BRONCHORSTIUS. CCXII. BARTHOLOMAEUS ELZIUS. CCXIII. PETRUS DANKERUS de RY. CCXIV. NICOLAUS HELDIUS. CCXV. JOHANNES BAPTISTA de HEIL. CCXVI. JOHANNES PHILIPPUS de THIELEN. CCXVII. FRANCISCUS de NEVE. CCXVIII. CORNELIUS de HEEM. CCXIX. LUCAS FRANCISCUS. CCXX. CAROLUS SABAUDUS. CCXXI. PETRUS BREDANUS. CCXXII. LILIUS, alias LAELIUS. CCXIII. CASPARUS de WITTE. CCXXIV. FRANCISCUS VERWILDIUS. CCXXV. JOHANNES BAPTISTA de DEINUM. CCXXVI. JOHANNES KESSELIUS. CCXXVII. HENRICUS BERGMANNUS. CCXXVIII. ROBERTUS de HOECH. CCXXIX. RUDOLPHUS BREINIUS mutus, Tigurinus. CCXXX. ABRAHAMUS DIEPENBEKIUS Buscoducensis. CCXXXI. DAVID TENIERIUS. CCXXXII. CORNELIUS JANSONIUS Londinensis. CCXXXIII. GOVERTUS FLINK Clivensis.
CXCIV. JOHANNES LYSIUS Oldenburgensis,
CXCIV. JOHANN LYS alias Pan.ALio nomine Pan dictus, tanto maiori dignus est laude, quanto laudabiliori industria omnes patriae suae pictores artis excellentia superavit; cum e dissitis hisce terris Oldenburgensibus hactenus nullum adhuc denominare potuerimus artis nostrae asseclam. Hic igitur post iacta dexterrime pingendi fundamenta Amstelodamum sese contulit, ibidemque Heinrici Goltzii methodo, quoad eius fieri poterat, in stitit, expictis operibus quibusdam ingeniosissimis. Abhinc Lutetiam et Venetias, mox autem Romam profectus alium plane pingendi modum assumebat: cumque faustiorem sibi expressus esset Venetorum Urbem, eodem mox revertebatur, pictisque ibidem iuxta inclinationem suam operibus quibusdam duorum triumve palmorum praeclarissimis, in quibus antiquorum et modernorum methodum mire contemperaverat mixto quodam elegantiae genere, ori nec gratia, nec venustas, nec colorum amoenitas deerat, tanta mox inclarescebat fama, ut in omnibus exercitatus videretur insigniter.
Opera eius Veneta.Inter alia autem memorabilia in templo Tolentinorum Venetiis viventis magnitudine pinxerat S. Hieronymum nudum in eremo, tubam Archangeli extremam subaudientem, prehensoque ad scribendum calamo quasi vivum atque palpabilem, laetisque coloribus conspicuum. Minores tamen eius imagines duarum triumve spithamarum praeclarum illud opus longe superant; Abel occisus. inter quas Abel a Caino interfectus
abbreviato situ tergum spectatori obvertens a Protoplastis primo tunc mortuo mire perculsis, summo cum dolore inspectus. Phaeton. Nec non Phaeton excussus curru ex aethere delabens, territis in terra Nymphis vario situ sursum respicientibus: ubi Nympharum harum nuditate et pulchritudine, nec tractu minus campestri elegantissimo nubiumque ardore Lysius hic satis superque declaravit, se colores, rerumque colorandarum elegantiam ad nutum habere. Eodem modo Amantium quorundam Conversationes et colloquia depingebat methodo moderna: nec non de feminis Venetis amori indulgentibus varia, nimirum vel musica delectatis; vel chartulis ludentibus, vel deambulatione detentis, vel similibus amoris casibus, quae omnia tantum prae se ferebant iudicium, ut laudibus satis extolli non possent.
Duo ruralia.Porro nuptias quoque pingebat rurales, ubi finitis epulis choreae aguntur, ducente chorum cum sponsa Parocho laetissimo, et sequente cum hospita sponso, rusticisque dehinc aliis ad utriculi tibiarumque sonum sub umbra tiliae cuiusdam patulae hilari socias suas agitantibus gyro: ibidemque et spectantium genus vicinorum, et in hospitio ferventi opere compotantes adiecti sunt varii alii. Altero autem opere ebriorum dissidia rusticorum exhibuit, furcis et ligonibus decertantium, accurrentibus hinc inde uxoribus, maritosque prae ira pallescentes retrotrahentibus; dum mensa interea potatoria senem quendam ebrium collisa ad solum prosternit, cum similibus quibusdam casibus ruralibus sat inurbanis.
Et alia.Posthaec tentationem S. Antonii elaboravit rarissimam sed eleganti ordine, ubi nempe calvaster hic senioque attritus Anachoreta